Jeremias 51:6 - Manobo Western Bukidnon OT

⁶ “Sikiyu is menge tig-Juda wey tig-Israel, ewai niw is Babilonia su wey kew melibriyi! Kenè kew pekimatey tenged dà te salà te menge tig-Babilonia. Timpu en he ebelesan ku sikandan te ereg te mibeelan dan.

Jeremias 51:6 ပူးပေါင်းရင်းမြစ်များ

Salmo 94:1

Nengazen he Megbevayà, sikew is ebpenimales; ipeehè nu en is pauk nu.

Erubasa 13:20

Is etew he uluwanen layun ebpekiduma te iring din he uluwanen, iyan, ebpekebmereǥen mulà is etew he layun ebpekiduma te tulebung.

Isaias 48:20

Awè kew ziyà te Babilonia! Isangyew niw kayi te tivuuk he kelibutan duma is kelipey he midlibri te Nengazen is menge suluǥuen din, he iyan is menge etew ziyà te Israel.

Isaias 63:4

Mibeelan ku heini su neume en is andew te kebelesi ku te menge kuntada ku ne edlibriyen ku is menge etew ku.

Jeremias 25:14

Egkeuripen sikandan te mahabet he menge nasyun wey te mekeǥeǥehem he menge hadì. Edsilutan ku sikandan te sungkad te menge vaal zan.”

Jeremias 25:16

Emun ebpekeinum sikandan kayi, ebpekeziregdireg sikandan is henduen be te ebuneǥen, tenged te tebek he ibpaaǥi ku ziyà te kandan.”

Jeremias 27:7

Ebpenilbi kandin is menge etew ziyà te langun he menge nasyun. Ebpenilbi zan daan te menge anak din wey menge apù din taman te timpu he iyan en maan edezeetan is Babilonia. Dutun he timpu, iyan en maan ebpekepenilbi is menge tig-Babilonia te mahabet he menge nasyun wey te mekeǥeǥehem he menge hadì.

Jeremias 46:10

Piru iyan ebpekezaag is Nengazen he MEGBEVAYÀ he Mekeǥeǥehem kayi he tebek. Kayi he timpu ebpenimales sikandin te menge kuntada zin. Is ispada zin egkeiring te egkevitil he langgam he ed-emeluk kandan wey edhiǥup te lengesa zan taman te egkahantey wey egkeperahan. Egkehimu sikandan he pemuhat diyà te Nengazen he MEGBEVAYÀ he Mekeǥeǥehem diyà te tanà he zapit te zizaya, he uvey te Wahig he Eufrates.

Jeremias 48:6

“Libriya niw is keugelingen niw! Pelaǥuy kew ziyà te sibsivayan.

Jeremias 50:15

Kulahì kew en te egkezineg minsan hendei! Ahàa niw man! Midsurindir en is Babilonia! Nengerundus en is menge turi zin ne nengewaǥey en is menge verengbeng din. Ne penimales heini te Nengazen kandin. Umbe velesi niw sikandin ne veeli niw ziyà te kandin is mibeelan din diyà te zuma.

Jeremias 50:28

“Pemineǥa niw is menge etew he nekepelaǥuy puun te Babilonia. Nenudtul zan diyà te Jerusalem ke mibmenumenu te Nengazen he Megbevayè tew is kebelesi zin te Babilonia tenged te mibeelan te menge tig-Babilonia ziyà te baley zin.

Jeremias 50:31

“Siak, is Nengazen he MEGBEVAYÀ he Mekeǥeǥehem, migkaǥi a te, ‘Kuntada ku sikew he Babilonia he mepelevawen! Neume en is timpu te kedsiluti ku kenikew.

Jeremias 50:8

“Sikiyu is menge Israilihanen, awè kew puun te Babilonia! Ewai niw heeyan he nasyun! Huna kew awà!

Jeremias 51:11

Ebelesan te Nengazen is menge tig-Babilonia su midrundus dan is baley zin. Ibpezezeetan te Nengazen is hadì te Babilonia te hadì diyà te Media su iyan heini tuyù din. Migkeǥiyan te menge edumala sikandan te, “Kemengaa niw is menge panè niw wey iandam niw is menge kelasag niw.

Jeremias 51:36

Umbe, migkaǥi is Nengazen te, “Sikiyu is menge etew ziyà te Jerusalem, edlevanan ku sikiyu, wey ibpenimales ku sikiyu. Ebpemezahan ku is menge wahig wey is menge serebseb diyà te Babilonia.

Jeremias 51:45

“Sikiyu is menge etew ku, pekeziyù kew ziyà te Babilonia! Libriya niw is untung niw mintras wazè ku pa ipeǥezami kandan is pauk ku.

Jeremias 51:50

“Sikiyu is nekelikey te kemetayen, awè kew en keniyan te Babilonia. Kenè kew en ubpà keniyan! Tentenuzi niw is Nengazen wey is Jerusalem minsan nekeziyù kew.

Jeremias 51:56

Ebpekeuma is edezaat te Babilonia ne ebihaǥen is menge sundaru zin, ne egkengevadtì is menge panè dan. Su siak, is Nengazen, iyan Megbevayà he edsilut te menge lalung. Idsilut ku ziyà te Babilonia is silut he ereg kayi.

Jeremias 51:9

Migkaǥi is menge Israilihanen he ed-ubpà diyà te, “Mibpeniguduwan dey te ebawì is Babilonia piru kenè en sikandin egkeulian. Hendiyè kiw en, ed-awà kiw en kayi ne ed-ulì kiw ziyà te kenitew he menge lugar. Su nekesungkul en te langit is menge salè din, umbe edsilutan en sikandin te Nengazen.

Penhulùhulù 3:64

Siluti nu sikandan, Nengazen, sumalà te mibeelan dan.

Numero 16:26

Ne migkeǥiyan din is menge etew te, “Pekeziyù kew ziyà te menge tulda keniyan te lalung he menge etew! Kenè kew ǥawed te minsan hengkey he ǥaked dan, su emun ebeelan niw heini ne edèdeetan kew tenged te langun he menge salè dan.”

Deuteronomio 32:25

Egkehitavù is kebpemematey te tebek diyà te ǥawas te valey zan, ne zutun utew egkeherati is diyà te seled. Ebpemematey is menge meǥurang, menge vetan-en, wey menge vatà.

Deuteronomio 32:43

Sikiyu is menge etew ziyà te menge nasyun deliǥa niw is menge etew te Nengazen, su ebelesan te Nengazen is nemenhimatey kandan te menge suluǥuen din. Ebelesan din is menge kuntada zin, ne edlumpiyuwan din is tanè din wey is menge etew zin.