Jeremias 51:57 - Manobo Western Bukidnon OT

⁵⁷ Edlenguten ku is menge upisyal te Babilonia, is menge uluwanen he menge etew, menge perezumala, menge peremandar, wey is menge sundaru zan. Ebpekelipezeng dan ne kenè dan en egkepukew. Iyan a, is Hadì, migkaǥi kayi. Nengazen he Mekeǥeǥehem is ngazan ku.”

Jeremias 51:57 ပူးပေါင်းရင်းမြစ်များ

Isaias 37:36

Ne zutun midhendiyà is belinsuǥuen te Nengazen te kampu te menge tig-Asiria ne migerè din is 185,000 he menge sundaru. Ne hein meselem en, ked-enew zuen te nesamà he menge uuyag, neehè dan is utew mahabet he nemematey.

Isaias 44:25

Wazè ku mehimuwa he metuman is menge tagnà te teruen he menge ebpeneuven. Ne edhimuwen ku he menge tulebung is menge menenagnà. Edhimuwen ku he kenà medselir is ketau te menge uluwanen, wey edhimuwen ku he kenà ebpulus is netuenan dan.

Isaias 6:5

Ne migkaǥi a te, “Mekehizuhizu a! Su kenà duwazuwa he edezeetan a, su mezaat is ebpengeǥiyen ku wey is menge etew he emurè ku, mezaat daan is kandan he ebpengeǥiyen. Ne ǥuntaan neehè ku is Hadì he iyan is Nengazen he Mekeǥeǥehem.”

Jeremias 13:13

Keǥiyi nu sikandan he iyan heini ibpesavut ku: Edsilutan ku is langun he meǥinged kayi he tanà ragkes is menge hadì, he menge kevuwazan ni David, menge memumuhat, menge ebpeneuven wey is langun he meǥinged te Jerusalem. Edhimuwen ku sikandan he iring te egkengelangut.

Jeremias 25:27

Ne migkaǥi is Nengazen kayi te kedì te, “Keǥiya nu kayi he menge nasyun he siak, is Nengazen he Mekeǥeǥehem, he Megbevayà te Israel, migkaǥi te, ‘Sigi, inum kew kayi te tasa te pauk ku taman te egkengelangut kew, ebpengutè kew, ne egkengepiley he kenè en ebpemekeenew, su ebpeeǥiyan ku sikiyu te tebek.’

Jeremias 46:18

“Siak, is uuyag he Hadì he Nengazen he Mekeǥeǥehem, ebpenangdù a he iring te lavew he metikang is Buntud te Tabor te zuma he menge vuntud, ne is buntud he Carmel ebpekehinungew te zaǥat, iring daan keniyan is gehem te edsurung te Ehipto.

Jeremias 48:15

Piru egkezeetan utew is menge tig-Moab wey is menge inged kayi. Ebpenhimetayan is kinemevurutan he menge vetan-en dan. Iyan a, is Nengazen he Mekeǥeǥehem he Hadì, is migkaǥi kayi.

Jeremias 50:30

Umbe, ebpematey is menge vetan-en din he menge maama ziyà te menge zalan, ragkes en is langun he menge sundaru zin.

Jeremias 51:39

Ne ǥeina te nevitil sikandan, ebpengemuran a para kandan. Edlenguten, edlipayen, wey ibpelipezeng ku sikandan he kenè en egkepukew.

Ezekiel 20:33

Siak, is Nengazen he MEGBEVAYÀ he uuyag, ebpenangdù a he edhedian ku sikiyu pinaaǥi te zekelà he ǥehem ku wey pauk ku.

Nahum 1:10

Iring kew te etew he nelangut he nesepinit diyà te zuǥiyen he zezeisey he kayu. Edezeetan kew iyan iring te ebinsulan he reǥami.

Nahum 3:18

Sikew is hadì te Asiria, ebpemematey is menge pengulu nu. Ebpekepeyapat is menge etew nu ziyà te menge vuntud, ne wazè en ebpeketiǥum kandan.

Malakias 1:14

Edrewakan ku is limbungan he iyan ibpemuhat din kayi te kedì is selewayen he uyaǥen minsan pa te zuen meupiya he uyaǥen din, he insaad din he ibpemuhat din kayi te kedì. Su utew a lavew he hadì, igkahandek a ziyà te menge nasyun, migkaǥi is Nengazen he Mekeǥeǥehem.”