Jeremias 51:52 - Manobo Western Bukidnon OT

⁵² Piru egkeuma iyan is timpu he edsilutan ku is menge ed-ezapen diyà te Babilonia. Ne is dag-es te menge teǥepalì he menge tig-Babilonia, egkezineg diyà te tivuuk he nasyun dan.

Jeremias 51:52 ပူးပေါင်းရင်းမြစ်များ

Jeremias 50:38

Ne egkemezahan is langun he menge wahig din. Su is Babilonia lugar he mahabet is menge ed-ezapen duen ne netazin is isip te menge etew kayi te mekeharatharat he menge ed-ezapen.

Jeremias 51:47

Egkeuma is timpu he edsilutan ku is menge ed-ezapen diyà te Babilonia. Egkepurung egkeeled-eled is tivuuk he Babilonia, wey ebpemekesesavuk is ebpemematey he menge etew kayi.

Ezekiel 28:23

Ebpeeǥiyan ku sikew te limas he tenged dutun edalem is lengesa ziyà te menge zalan nu, utew mahabet is ebpematey he menge meǥinged diyà te kenikew. Ne zutun egketuenan dan he iyan a Nengazen.

Ezekiel 30:24

Edteǥuan ku te zesen is menge vekelawan te hadì te Babilonia ne ebpeǥewezan ku kandin is ispada ku. Piru edlepuen ku mulà is menge vekelawan te hadì te Ehipto, ne ebpekezag-es sikandin is pelien he edserupatey en diyà te etuvangan te hadì te Babilonia.