Jeremias 51:47 - Manobo Western Bukidnon OT

⁴⁷ Egkeuma is timpu he edsilutan ku is menge ed-ezapen diyà te Babilonia. Egkepurung egkeeled-eled is tivuuk he Babilonia, wey ebpemekesesavuk is ebpemematey he menge etew kayi.

Jeremias 51:47 ပူးပေါင်းရင်းမြစ်များ

Isaias 21:9

Ne ǥuntaan, ahàa niw man duen egkeehè ku he edhendini he menge kerwahi wey pereuntud te kudà he mibparisparis.” Ne mibpedayun megkaǥi haazà is bantey te, “Nezeetan en bes utew is Babilonia. Nengerupet en is langun he menge ledawan he menge ed-ezapen kayi ne nekepeyapat diyà te tanà.”

Jeremias 13:21

Kenè be ibmesakit te ǥehinawa nu ke egkezizalem ka te ǥehem te nasyun he kunaan nu ke kezapig nu? Kenè ke ve vuwa egkesekitan iring te vahi he ed-anak?

Jeremias 23:34

Emun duen ebpeneuven, etawa memumuhat, etawa minsan hentei he egkaǥi te zuen menge lalag he edtudtulen din he ibpetudtul ku, edsilutan ku haazà he etew wey is pemilya zin.

Jeremias 25:12

“Iyan, emun egketapus en is 70 he tuig, edsilutan ku is hadì te Babilonia wey is menge etew zin tenged te salè dan. Edhimuwen ku zaan is nasyun dan he mekevulungbulung taman te taman.

Jeremias 50:2

“Ipetueni nu ziyà te menge nasyun is tudtul! Ne ivayew is bendirà ne ipetueni te langun: ‘Egkezeetan is Babilonia! Egkerupet wey egkepeel-elezan is menge ed-ezapen kayi he si Bel wey si Marduk.’

Jeremias 51:18

Wazè kayi pulus wey telemayen heini. Emun timpu en te kedsilut ne egkezeetan sikandan is langun.

Jeremias 51:24

“Sikiyu is menge etew ku, ibpeehè ku keniyu is kebelesi ku te Babilonia wey te menge meǥinged kayi he lugar, tenged te langun he mibeelan dan diyà te Jerusalem. Iyan a, is Nengazen, is migkaǥi kayi.

Jeremias 51:43

Egkehimu he mekevulungbulung is menge inged kayi; egkeiring heini te disirtu he memaza he wazè duen ed-ubpà wey minsan edsaǥad.

Jeremias 51:52

Piru egkeuma iyan is timpu he edsilutan ku is menge ed-ezapen diyà te Babilonia. Ne is dag-es te menge teǥepalì he menge tig-Babilonia, egkezineg diyà te tivuuk he nasyun dan.