Jeremias 51:4 - Manobo Western Bukidnon OT

⁴ Egkengepelian sikandan wey ebpekepeyapat is menge lawa zan diyà te menge zalan.

Jeremias 51:4 ပူးပေါင်းရင်းမြစ်များ

Isaias 13:15

Is kada egkezekepan ne edresayen pinaaǥi te ispada taman te ebpatey.

Isaias 14:19

Iyan, sikew mulà, kenè ka idleveng diyà te penlevengè nu, kekenà, idtimbag dà is lawa nu iring te subpang he wazè din pulus. Iyan idtambun kenikew is menge lawa te nemematey he menge sundaru tenged te tebek, ne id-ulug ka zuma kandan diyà te vudsi ne edtembakan te menge vatu. Egkeiring ka te minatey he edtekutakan dà.

Jeremias 49:26

Is menge vetan-en he menge maama kayi ebpematey ziyà te menge kersada ragkes en is menge sundaru kayi. Ebinsulan ku is berengbeng te Damascus wey is melig-en he menge vahin kayi he inged ni Hadì Ben Hadad. Iyan a, is Nengazen he Mekeǥeǥehem, is migkaǥi kayi.”

Jeremias 50:30

Umbe, ebpematey is menge vetan-en din he menge maama ziyà te menge zalan, ragkes en is langun he menge sundaru zin.

Jeremias 50:37

Heini is ispada ibpeǥezaman daan te menge kudè din wey menge kerwahi, wey ziyà te langun he ebpuun te zuma he lugar he kezapig din. Ne edluyahan sikandan iring te vahi! Egkeulaula zaan heini ziyà te menge ketiǥeyunan din, ne ed-eǥawen heini.

Jeremias 51:53

Minsan mekeuma pa ziyà te langit is berengbeng te Babilonia wey minsan utew pa heini melig-en, duen gihapun edsuǥuen ku te kedezaat kayi.