Jeremias 51:30 - Manobo Western Bukidnon OT

³⁰ Ed-engked en he ebpekidtebek is menge sundaru te Babilonia ne ziyè dan dà te kampu zan. Neewaan dan en te zesen ne egkeiring dan te vahi he meluya. Nevinsulan is menge valey ziyà te Babilonia wey nengezeetan is menge terangka te pultahan te menge inged kayi.

Jeremias 51:30 ပူးပေါင်းရင်းမြစ်များ

Salmo 107:16

Su mibpenggevè din is menge ǥemawan he brunsi, wey mibpemadtì din is menge rihas he putew.

Salmo 147:13

Su midlig-enan din is menge pultahan te inged niw. Ne midtuvazan kew zin.

Salmo 76:5

Mibpen-aǥew nu ziyà te mevurut he menge sundaru is menge vutang he inaǥew zan diyà te zuma. Ne mibpematey sikandan is langun, ne wazà minsan sevaha kandan he nekehimu he egkayew te velad din.

Isaias 19:16

Dutun he timpu, is menge Ehiptohanen egkehimu he meluya iring te vahi. Ebpengerkeren sikandan tenged te kegkahandek dan te silut he idsilut kandan te Nengazen he Mekeǥeǥehem.

Isaias 47:14

Benar iyan, iring dà sikandan te reǥami he melemu zà egkevinsuli. Kenà ganì sikandan ebpekelibri te keugelingen dan wey zan kenà metutung. Heini he hapuy kenà egkehimu he edhizezangan su utew meinit.

Jeremias 48:41

Egkaaǥew zan is menge inged wey menge kampu te Moab. Dutun he timpu egkulbaan is menge sundaru te Moab ne egkeiring te vahi he ebeliliten.

Jeremias 50:15

Kulahì kew en te egkezineg minsan hendei! Ahàa niw man! Midsurindir en is Babilonia! Nengerundus en is menge turi zin ne nengewaǥey en is menge verengbeng din. Ne penimales heini te Nengazen kandin. Umbe velesi niw sikandin ne veeli niw ziyà te kandin is mibeelan din diyà te zuma.

Jeremias 51:32

Naaǥew en is menge repasan diyà te wahig. Ne nengevinsulan is menge elesà, ne neteranta is menge sundaru.

Jeremias 51:57

Edlenguten ku is menge upisyal te Babilonia, is menge uluwanen he menge etew, menge perezumala, menge peremandar, wey is menge sundaru zan. Ebpekelipezeng dan ne kenè dan en egkepukew. Iyan a, is Hadì, migkaǥi kayi. Nengazen he Mekeǥeǥehem is ngazan ku.”

Penhulùhulù 2:9

Netembunan te tanà is menge pultahan te inged. Nengevengkag is menge terangka kayi, su mibpemadti heini te Nengazen. Mibihag is menge hadì wey is dungganen he menge etew te Jerusalem. In-engked en ipenurù is kesuǥuan. Wazè en menge lalag te menge ebpeneuven he ebpuun diyà te Nengazen.

Amos 1:5

Ebengkaǥen ku is pultahan te Damascus wey edezeetan ku is menge pengulu ziyà te Suǥud te Aven wey Bet Eden. Ebihaǥen te menge tig-Kir is menge etew ziyà te Aram. Iyan a, is Nengazen, is migkaǥi kayi.”

Nahum 3:13

Tengtengi niw man is menge sundaru niw–meluya he iring te menge vahi! Is menge trangka te pultahan te inged niw ne nengetutung en, umbe melemu zà heini he edselezan te menge kuntada niw.