Jeremias 51:3 - Manobo Western Bukidnon OT

³ Kenè dan en ebeǥayan te timpu is menge mememanà diyà te Babilonia te kegamit te menge panè dan wey menge kelasag dan. Ne wazà edsemaan dan he vetan-en he maama. Ebpurungan dan edezeeti is menge sundaru ziyà te Babilonia.

Jeremias 51:3 ပူးပေါင်းရင်းမြစ်များ

Salmo 137:9

Utew zeyzey is egkuwa te menge anak niw ne idrumbag dan diyà te vatu.

Jeremias 46:4

Iandam niw zaan is menge kudè niw ne untuzi niw en! Ikekalù niw is menge hilmit niw, kemengaa niw is menge vangkew niw, ne iseluub niw is menge limbutung niw.

Jeremias 50:14

“Sikiyu is menge mememanà, pelastar kew en diyà te peliǥuy te Babilonia. Ne iamin niw ipanà is menge vesut niw ziyà te kandin su nekesalà sikandin diyà te Nengazen.

Jeremias 50:21

Migkaǥi pa is Nengazen te, “Surunga niw is Merataim wey is Pekod. Penhimetayi niw is menge etew zutun ne purungi niw dezeeti. Beeli niw is langun he insuǥù ku keniyu.

Jeremias 50:27

Penhimetayi niw is langun he menge sundaru zan. Lepaa niw he iring te menge turiti he vaka. Mekehizuhizu sikandan su neume en is timpu te kedsiluti kandan.

Jeremias 51:53

Minsan mekeuma pa ziyà te langit is berengbeng te Babilonia wey minsan utew pa heini melig-en, duen gihapun edsuǥuen ku te kedezaat kayi.

Jeremias 9:21

Nekeuma ziyà te pemilya tew wey inged tew is kemetayen wey te melig-en he parti kayi. Mibpenhimetayan is menge vatà he ebevaleyvaley ziyà te menge zalan wey is betan-en he menge maama he midtiǥum diyà te menge pelasa.

Deuteronomio 32:25

Egkehitavù is kebpemematey te tebek diyà te ǥawas te valey zan, ne zutun utew egkeherati is diyà te seled. Ebpemematey is menge meǥurang, menge vetan-en, wey menge vatà.