Jeremias 51:27 - Manobo Western Bukidnon OT

²⁷ Ivayew niw is bendirà he tuus te kebpekidtebek! Ipezaǥing is menge vudyung diyà te menge nasyun! Ipepengandam niw sikandan para te kedsurung diyà te Babilonia. Suǥùa niw te kedsurung is menge sundaru ziyà te Ararat, Mini, wey Ashkenaz. Pilì kew te pengulu wey peuwit kew te menge kudà he iring kezakel te terapan.

Jeremias 51:27 ပူးပေါင်းရင်းမြစ်များ

Genesis 10:3

Is menge kevuwazan ni Gomer ne iyan si Ashkenaz, Rifat, wey Togarma.

Genesis 8:4

Ne hein ike-17 he andew te ikepitu he vulan, diyà mekesavuk is arka te Buntud he Ararat.

2 Hadì 19:37

Ne sevaha he andew, zutun te edsimba si Senakerib diyà te simbahan te ed-ezapen din he si Nisroc, midhimetayan sikandin te zezuwa he anak din he maama he si Adramilec wey si Sharezer pinaaǥi te ispada. Ne mibpelaǥuy sikandan diyà te Ararat. Ne is anak din he si Esarhadon iyan mid-ilis kandin te kedhadì

1 Cronica 1:6

Is menge kevuwazan ni Gomer ne iyan si Ashkenaz, Rifat, wey Togarma.

Isaias 18:3

Sikiyu is langun he meǥinged kayi te kelibutan, bentayi niw is kebeyawa te bendirà diyà te vuntud, ne pemineǥa niw is daǥing te vudyung.

Isaias 37:38

Ne sevaha he andew, zutun te edsimba si Senakerib diyà te simbahan te ed-ezapen din he si Nisroc, midhimetayan sikandin te zezuwa he anak din he maama he si Adramilec wey si Sharezer pinaaǥi te ispada. Ne mibpelaǥuy sikandan diyà te Ararat. Ne is anak din he si Esarhadon iyan mid-ilis kandin te kedhadì.

Jeremias 25:14

Egkeuripen sikandan te mahabet he menge nasyun wey te mekeǥeǥehem he menge hadì. Edsilutan ku sikandan te sungkad te menge vaal zan.”

Jeremias 46:23

Minsan iring kezakel te menge kayu te mekepal he ketelunan is menge tig-Ehipto, egkezaag gihapun sikandan su is menge kuntada zan iring kezakel te terapan he kenà egkevilang.

Jeremias 50:2

“Ipetueni nu ziyà te menge nasyun is tudtul! Ne ivayew is bendirà ne ipetueni te langun: ‘Egkezeetan is Babilonia! Egkerupet wey egkepeel-elezan is menge ed-ezapen kayi he si Bel wey si Marduk.’

Jeremias 50:3

Su edsurungen is Babilonia te sevaha he nasyun he ebpuun te zizaya, ne egkehimu heini he mekevulungbulung ne wazè en ed-ubpà kayi, su ebpemelaǥuy en is menge etew kayi wey menge uyaǥen.”

Jeremias 50:9

Su ibpesurung ku is Babilonia te menge sundaru he gurupu he ebpuun diyà te gemhanan he menge nasyun diyà te zizaya. Edsurung dan diyà te Babilonia ne egkaaǥew zan heini. Metau utew sikandan he menge mememanà ne kenà ebperis is kebpanè dan.

Jeremias 51:12

Ivayew niw is bendirà niw he tuus te kedsurung niw ziyà te Babilonia. Umani niw pa is menge vantey ne ipepelastar sikandan peliǥuy te inged! Ne ibpepurung ibpepengandam para te tebek su timpu en heini he ebeelan te Nengazen is pelanu zin te kedezaat te menge etew ziyà te Babilonia.”

Jeremias 51:14

Nenangdù is Nengazen he Mekeǥeǥehem diyà te gehinawa zin, he ke sikandin te, “Ed-eneven ku te menge sundaru te menge kuntada nu he iring kezakel te terapan is tanè nu, ne egkulehien kew zan.”

Jeremias 51:28

Ipepengandam niw te kedsurung diyà te Babilonia is menge hadì diyà te Media, duma te menge perezumala wey menge upisyal, wey is menge etew ziyà te langun he menge nasyun he nesakup dan.

Jeremias 6:1

“Pelaǥuy kew wey med-eles is menge kevuwazan ni Benjamin! Gawas kew ziyà te Jerusalem! Ipezaǥing niw is budyung diyà te Tekoa ne uyawi niw is Bet Hakerem. Su ebpekeuma is dekelà he kezeetan he ebpuun diyà te zizaya.

Joel 3:9

Ibpetuanen heini ziyà te menge nasyun: Pengandam kew para te kebpekidtebek. Hinggata niw is menge sundaru niw te kedsurung.

Amos 3:6

Kenè be egkerkeren te kegkahandek is menge etew emun edaǥing is menge vudyung te kebpesayud he zuen menge kuntada he edsurung? Emun egkeumahan te kezeetan is inged kenè be ketau te Nengazen is kebpekeuma zutun?

Zacarias 14:2

Su edtiǥumen te Nengazen is menge etew ziyà te langun he menge nasyun su wey zan mekepekidtebek diyà te Jerusalem. Ed-eǥawen dan heini he inged, egkuwaan dan is menge azen diyà te menge valey, ne edleyuǥen dan is menge vahi. Ed-uwiten dan diyà te zuma he lugar is ketengà te menge meǥinged keniyan he inged. Piru is duma, egkesamà keniyan te inged.

Zatù 6:5

Ebpekeuma zan he ed-uwit te menge tulda zan wey menge uyaǥen dan. Kenà egkevilang is kahabet dan ragkes is menge kemilyu zan. Ne nekeveǥey sikandan te kezeetan diyà te tanà te menge Israilihanen.