Jeremias 51:21 - Manobo Western Bukidnon OT

²¹ is menge kudà wey is ebpemen-untud duen, is menge kerwahi wey is menge ebpen-untud duen.

Jeremias 51:21 ပူးပေါင်းရင်းမြစ်များ

Salmo 46:9

Ibpeengked din is menge tebek kayi te tivuuk he kelibutan. Ebpemedtìen din is menge panà wey menge vangkew, ne idrapug din is menge kelasag.

Salmo 76:6

He Megbevayà ni Jacob, nemematey en is menge pereuntud te kudà wey is menge kudè dan pinaaǥi zà te kedawey nu.

Exodus 15:1

Migkanta ni Moises wey is duma he menge Israilihanen diyà te Nengazen heini he kentahan: “Egkentahan ku is Nengazen, su mezeeǥen sikandin. Insinumag din diyà te zaǥat is menge kudà wey is ebpemen-untud duen.

Exodus 15:21

Ne migkentahan ni Miriam sikandan te heini he kanta: “Kentahi niw is Nengazen, su utew sikandin mezeeǥen. Insinumag din diyà te zaǥat is menge kudà wey is nemen-untud kayi.”

Exodus 15:4

Midlened din diyà te zaǥat is menge kerwahi wey is menge sundaru te hadì te Ehipto. Nengelened diyà te Zaǥat he Meriǥà sikan is egkengeseriǥan he menge upisyal te hadì.

Isaias 43:17

Midtiǥum ku is menge kerwahi, menge kudà, wey menge sundaru te Ehipto, ne midezeetan sikandan diyà te zaǥat, ne kenè en sikandan ebpekeenew. Neiring sikandan te sulù he neevukan.

Jeremias 50:37

Heini is ispada ibpeǥezaman daan te menge kudè din wey menge kerwahi, wey ziyà te langun he ebpuun te zuma he lugar he kezapig din. Ne edluyahan sikandan iring te vahi! Egkeulaula zaan heini ziyà te menge ketiǥeyunan din, ne ed-eǥawen heini.

Micas 5:10

Migkaǥi is Nengazen te, “Ziyà te huziyan he menge andew, ebpehimetayan ku is menge kudè niw wey edweǥayen ku is menge kerwahi niw.

Nahum 2:13

Su migkaǥi is Nengazen he Mekeǥeǥehem te, “Pemineg kew is menge tig-Nineve! Kuntada ku sikiyu! Umbe ebinsulan ku is menge kerwahi niw ne ebpematey te tebek is menge sundaru niw. Ibpeengkezan ku en keniyu is kebpendezaat niw kayi te kelibutan. Kenè kew en ebpekesuǥù te menge menunudtulà pehendiyà te zuma he menge nasyun te kegkaǥi ziyà te kandan ke hengkey is egkesuatan niw he ibpetuman kandan.”

Haggai 2:22

Edèdeetan ku is menge ginhedian ne id-awè ku is gehem dan. Eberiudsungen ku is menge kerwahi zan wey is ebpemen-untud kayi. Ebpemematey is menge kudà ne ed-uuney ebpehimhimetayà is menge pereuntud kayi.

Zacarias 10:5

Edsevaha is menge etew te Juda ne egkeiring sikandan te mezesen he menge sundaru he edaag te menge kuntada zan he henduen dà te vasak diyà te menge zalan he edtekutakan dan. Ebpekidtebek dan su ǥeina te siak is Nengazen, dume e zan. Ne edaaǥen dan is menge pereuntud te kudà.

Zacarias 12:4

Piru ebpelihendeken ku is langun he menge kudè dan wey edterenteduwen ku is menge pereuntud dan te kudà. Iyan a, is Nengazen, migkaǥi te ebentayan ku is menge etew te Juda, piru edlekapen ku is langun he menge kudà te menge nasyun.