Jeremias 51:14 - Manobo Western Bukidnon OT

¹⁴ Nenangdù is Nengazen he Mekeǥeǥehem diyà te gehinawa zin, he ke sikandin te, “Ed-eneven ku te menge sundaru te menge kuntada nu he iring kezakel te terapan is tanè nu, ne egkulehien kew zan.”

Jeremias 51:14 ပူးပေါင်းရင်းမြစ်များ

Salmo 105:34

Pinaaǥi te suǥù din, nekeuma is utew gerabi he terapan he kenè en egkevilang.

Jeremias 44:26

Piru pemineǥa niw is menge lalag ku, ziyà te keniyu te menge etew ziyà te Juda he kayi med-ubpà te Ehipto. Impenangdù ku ziyà te ǥehinawa ku he wazè en keniyu ebpekeǥamit te mekeǥeǥehem he ngazan ku. Kenè ku en idtuǥut ke egemiten niw is ngazan ku te kebpenangdù niw te iring kayi: “Ebpenangdù a pinaaǥi te ngazan te uuyag he Nengazen he MEGBEVAYÀ.”

Jeremias 46:23

Minsan iring kezakel te menge kayu te mekepal he ketelunan is menge tig-Ehipto, egkezaag gihapun sikandan su is menge kuntada zan iring kezakel te terapan he kenà egkevilang.

Jeremias 49:13

Nenangdù a ziyà te ǥehinawa ku he edezeetan ku is inged he Bozra. Egkehimu heini he mekeharatharat he ed-ahaan, edsudien heini, ne egemiten is ngazan din te kebpenrawak. Is langun he menge inged kayi kenè en egkepurungan te taman te taman.”

Jeremias 50:15

Kulahì kew en te egkezineg minsan hendei! Ahàa niw man! Midsurindir en is Babilonia! Nengerundus en is menge turi zin ne nengewaǥey en is menge verengbeng din. Ne penimales heini te Nengazen kandin. Umbe velesi niw sikandin ne veeli niw ziyà te kandin is mibeelan din diyà te zuma.

Jeremias 51:27

Ivayew niw is bendirà he tuus te kebpekidtebek! Ipezaǥing is menge vudyung diyà te menge nasyun! Ipepengandam niw sikandan para te kedsurung diyà te Babilonia. Suǥùa niw te kedsurung is menge sundaru ziyà te Ararat, Mini, wey Ashkenaz. Pilì kew te pengulu wey peuwit kew te menge kudà he iring kezakel te terapan.

Joel 2:25

Su migkaǥi is Nengazen te, “Idlikù ku is nelaga ziyà te keniyu zutun te menge tuig he mid-etaki is menge pinemula niw te nekedtutundug he grupu te menge terapan. Iyan a midsuǥù dutun te mahabet he menge terapan he menge sundaru ku.

Amos 6:8

Nenangdù is Nengazen he MEGBEVAYÀ, kes Megbevayà he Mekeǥeǥehem. Ke sikandin te, “Igkeepes ku is kebpelavew te menge kevuwazan ni Jacob, wey midrewakan ku is melig-en he menge vahin te inged dan. Umbe ibeǥey ku ziyà te menge kuntada is inged dan wey is langun he taǥù kayi.”

Zatù 6:5

Ebpekeuma zan he ed-uwit te menge tulda zan wey menge uyaǥen dan. Kenà egkevilang is kahabet dan ragkes is menge kemilyu zan. Ne nekeveǥey sikandan te kezeetan diyà te tanà te menge Israilihanen.