Jeremias 51:13 - Manobo Western Bukidnon OT

¹³ He Babilonia, utew ka mid-uzar te wahig wey mahabet is ketiǥeyunan nu. Piru neume en is kepengkusan nu; neume en is timpu te kegkezeeti nu.

Jeremias 51:13 ပူးပေါင်းရင်းမြစ်များ

Genesis 6:13

ne migkaǥi sikandin diyà te ki Noe te, “Neisip ku en he edlimasen ku is tivuuk he menusiyà. Su tenged kandan, nekeeneb te kelibutan is kelelalung, ne tenged dutun id-awè ku sikandan dini te tanà.

Salmo 137:1

Nememinuu key ziyà te veyvey te menge wahig diyà te Babilonia he ebpemenineǥew hein netenuzan dey is Zion.

Isaias 43:14

Iyan heini egkeǥiyen te Nengazen, he menluluwas niw, he Waǥas he Megbevayà te Israel, “Para melibri kew, ibpesurung ku is Babilonia te menge sundaru te sevaha he nasyun, ne ebpemelaǥuy is menge tig-Babilonia ziyà te menge varku he ibpahambug dan.

Isaias 45:3

Ibeǥey ku kenikew is nekeeles he menge ketiǥeyunan, su wey nu metueni he iyan a, is Nengazen he Megbevayà te Israel midtawag kenikew.

Isaias 57:17

Nepauk a tenged te salà wey keleleǥed te menge tig-Israel, umbe midsilutan ku sikandan wey mid-iniyuǥan. Piru mibpedayun dan gihapun te kebaal te salà.

Jeremias 17:11

Is etew he nekaangken te ketiǥeyunan pinaaǥi te mezaat he paaǥi ne iring te tagbis he mid-eren te kenà kandin he impis. Diyà te huziyan he timpu emun edliwezeenan en sikandin, egkaawà diyà te kandin is ketiǥeyunan din ne ebpekelepew is ketetaleng din.”

Jeremias 50:27

Penhimetayi niw is langun he menge sundaru zan. Lepaa niw he iring te menge turiti he vaka. Mekehizuhizu sikandan su neume en is timpu te kedsiluti kandan.

Jeremias 50:31

“Siak, is Nengazen he MEGBEVAYÀ he Mekeǥeǥehem, migkaǥi a te, ‘Kuntada ku sikew he Babilonia he mepelevawen! Neume en is timpu te kedsiluti ku kenikew.

Jeremias 50:37

Heini is ispada ibpeǥezaman daan te menge kudè din wey menge kerwahi, wey ziyà te langun he ebpuun te zuma he lugar he kezapig din. Ne edluyahan sikandan iring te vahi! Egkeulaula zaan heini ziyà te menge ketiǥeyunan din, ne ed-eǥawen heini.

Jeremias 51:36

Umbe, migkaǥi is Nengazen te, “Sikiyu is menge etew ziyà te Jerusalem, edlevanan ku sikiyu, wey ibpenimales ku sikiyu. Ebpemezahan ku is menge wahig wey is menge serebseb diyà te Babilonia.

Penhulùhulù 4:18

Mibentayan te menge kuntada zey is menge langkad dey. Kenè key ebpekehipanew ziyà te menge zalan. Hapit en egkeuma is ketepusan dey. Egkevilang dà is menge andew zey.

Daniel 5:26

Ne iyan heini kehuluǥan dan: Is Mini, iyan kehuluǥan din is mibilang en te Megbevayà is nesamà he menge andew te kedhadì nu, su edtepusen din en heini.

Amos 8:2

Mid-insà is Nengazen kayi te kedì te, “Amos, hengkey is neehè nu?” Ne midtavak a te, “Sevaha he revan he zuen din taǥù he nelutuan he menge prutas.” Ne migkaǥi is Nengazen kayi te kedì te, “Neume en is ketepusan te menge etew ku he menge tig-Israel. Kenè ku en sikandan egkehizuwan.