Jeremias 51:11 - Manobo Western Bukidnon OT

¹¹ Ebelesan te Nengazen is menge tig-Babilonia su midrundus dan is baley zin. Ibpezezeetan te Nengazen is hadì te Babilonia te hadì diyà te Media su iyan heini tuyù din. Migkeǥiyan te menge edumala sikandan te, “Kemengaa niw is menge panè niw wey iandam niw is menge kelasag niw.

Jeremias 51:11 ပူးပေါင်းရင်းမြစ်များ

1 Hadì 11:14

Ketau te Nengazen he zuen mebpekigkuntada ki Solomon. Iyan sikandin si Hadad he Edomanhen, he kevuwazan te sevaha te menge hadì diyà te Edom.

1 Hadì 11:23

Duen pa sevaha he etew he ketau te Megbevayà he kuntedaha zin si Solomon. Iyan sikandin si Rezon he anak ni Eliada. Mibpeleǥuyan din is egalen din he si Hadì Hadadezer he hadì te Zoba,

1 Cronica 5:26

Umbe, ketau te Megbevayà te Israel he surunga sikandan ni Hadì Pul he hadì te Asiria (he iyan si Tiglat Piliser). Nevihag ni Pul is menge tribu ni Reuben, Gad, wey ketengà he tribu ni Manase ne ziyè din uwita te Hala, Habor, Hara, wey ziyà te Wahig te Gozan, ne zutun sikandan taman guntaan.

2 Cronica 36:22

Dutun te nehuna he tuig te kedhadì ni Cyrus diyà te Persia, insavuk te Nengazen diyà te ǥehinawa ni Cyrus he medsurat te sevaha he pehibelu he ibpehibelu ziyà te tivuuk he ginhedian din. Nehitavù heini su wey metuman is migkaǥi te Nengazen pinaaǥi ki Jeremias.

Ezra 1:1

Dutun te nehuna he tuig te kedhadì ni Cyrus diyà te Persia, insavuk te Nengazen diyà te ǥehinawa ni Cyrus he medsurat te sevaha he pehibelu he ibpehibelu ziyà te tivuuk he ginhedian din. Nehitavù heini su wey metuman is migkaǥi te Nengazen pinaaǥi ki Jeremias.

Isaias 10:26

Edsilutan ku sikandan iring te mibeelan ku ziyà te menge Midianhen diyà te Batu he Oreb wey te menge tig-Ehipto hein midlened ku sikandan diyà te zaǥat.

Isaias 21:2

Nekelawas a te mekahandekhandek mehitenged te kedluib wey kebpendezaat. Sikiyu is menge tig-Elam wey menge tig-Media, liǥuwi niw is Babilonia ne surunga niw. Edhimesazen te Megbevayà is kebpeentusa zin te zuma he menge nasyun.

Isaias 21:5

Nengandam te keemuran is menge upisyal. Midempasan dan is ebpinuuwan dan. Migkaan sikandan wey mid-inum, ne netekewtekew zan te mibensaǥan sikandan te, “Hendini kew, pengandam kew para te tebek!”

Isaias 41:25

Mibpilì ku he edumala is sevaha he etew he ziyà ebpuun te zizaya. Midangep sikandin kayi te kediey; ne ǥuntaan ebpekeuma sikandin puun te edsilaan. Edezeetan din is menge ebpemendumala iring te kedtekutaki te mendiziyun te vasak he ebeelan din he ziniyun.

Isaias 45:1

Iyan heini migkaǥi te Nengazen diyà te ki Cyrus he pinilì din, ne iyan sikandin midlig-en te ǥehem kayi, “Sekupa nu is menge nasyun, ne zaaǥa nu is menge hadì. Puwasi nu is menge pultahan te menge inged dan te ked-aǥew kayi ne kenè en heini edlekevan.

Isaias 45:5

Iyan a Nengazen, ne wazè en duma; gawas kediey ne wazè en duma he Megbevayà. Ebeǥayan ku sikew te zesen minsan wazà a kenikew mekilala,

Isaias 46:11

Ed-umew a te sevaha he etew he ebpuun diyà te meziyù he lugar ziyà te edsilaan, ne edtumanen din is pelanu ku. Edagmang sikandin iring te tagbis he ebpendawi. Is nekaǥi ku wey pelanu ku ne edtumanen ku heini.

Jeremias 25:25

Zimri, Elam, Media,

Jeremias 46:3

“Iandam niw is menge kelasag niw, dekelè man etawa zeisey, ne ǥenat kew pehendiyà te tebek!

Jeremias 46:4

Iandam niw zaan is menge kudè niw ne untuzi niw en! Ikekalù niw is menge hilmit niw, kemengaa niw is menge vangkew niw, ne iseluub niw is menge limbutung niw.

Jeremias 46:9

“Sigi en, menge tig-Ehipto, ipepelelaǥuy niw en is menge kudè niw wey menge kerwahi! Surung kew en ragkes is langun he kezapig niw he ebpemuun diyà te Etiopia, Libya, wey Lydia, he menge mahagtì he egamit te kelasag wey panà.

Jeremias 50:25

Mibpuwasan ku is teleǥuey te menge gumaan ku ne impeǥawas ku is menge ǥumaan he egemiten ku zutun te kebpeǥazami ku te pauk ku. Siak, is Nengazen he MEGBEVAYÀ he Mekeǥeǥehem, duen ebeelan ku ziyà te kenikew, he Babilonia.

Jeremias 50:3

Su edsurungen is Babilonia te sevaha he nasyun he ebpuun te zizaya, ne egkehimu heini he mekevulungbulung ne wazè en ed-ubpà kayi, su ebpemelaǥuy en is menge etew kayi wey menge uyaǥen.”

Jeremias 50:45

Umbe, pemineǥa niw is mibpelenuwan ku te ebaal he idezaat te Babilonia. Minsan is menge anak dan ne ebihaǥen, ne is menge tanè dan edezeetan tenged te mezaat he mibeelan dan.

Jeremias 50:9

Su ibpesurung ku is Babilonia te menge sundaru he gurupu he ebpuun diyà te gemhanan he menge nasyun diyà te zizaya. Edsurung dan diyà te Babilonia ne egkaaǥew zan heini. Metau utew sikandan he menge mememanà ne kenà ebperis is kebpanè dan.

Jeremias 51:12

Ivayew niw is bendirà niw he tuus te kedsurung niw ziyà te Babilonia. Umani niw pa is menge vantey ne ipepelastar sikandan peliǥuy te inged! Ne ibpepurung ibpepengandam para te tebek su timpu en heini he ebeelan te Nengazen is pelanu zin te kedezaat te menge etew ziyà te Babilonia.”

Jeremias 51:24

“Sikiyu is menge etew ku, ibpeehè ku keniyu is kebelesi ku te Babilonia wey te menge meǥinged kayi he lugar, tenged te langun he mibeelan dan diyà te Jerusalem. Iyan a, is Nengazen, is migkaǥi kayi.

Jeremias 51:36

Umbe, migkaǥi is Nengazen te, “Sikiyu is menge etew ziyà te Jerusalem, edlevanan ku sikiyu, wey ibpenimales ku sikiyu. Ebpemezahan ku is menge wahig wey is menge serebseb diyà te Babilonia.

Daniel 5:30

Dutun dà he kezukileman, midhimetayan si Belshazar is hadì te menge tig-Babilonia.

Joel 3:10

Beeli niw he menge ispada is punta te menge eradu niw wey veeli niw he menge vangkew is para te menge igkamet niw. Minsan is menge meǥuyà ne kinahanglan he mebpekidtebek.

Joel 3:9

Ibpetuanen heini ziyà te menge nasyun: Pengandam kew para te kebpekidtebek. Hinggata niw is menge sundaru niw te kedsurung.

Leviticus 26:25

Ibpesurung ku sikiyu te menge kuntada niw he iyan silut niw tenged te kedsupak niw te kebpekid-uyun ku keniyu. Minsan med-eles kew pa ziyà te inged niw ebpeeǥiyan ku ǥihapun sikiyu te menge kemeresayan, ne tenged dutun egkepeǥes kew he ebpezizalem te gehem te menge kuntada niw.

Zacarias 14:12

Iyan heini kezeetan he ibpaaǥi te Nengazen diyà te langun he menge nasyun he nekidtebek diyà te Jerusalem: Megkeredak is menge lawa, mata, wey zilè dan minsan uuyag pa sikandan.

Zacarias 14:2

Su edtiǥumen te Nengazen is menge etew ziyà te langun he menge nasyun su wey zan mekepekidtebek diyà te Jerusalem. Ed-eǥawen dan heini he inged, egkuwaan dan is menge azen diyà te menge valey, ne edleyuǥen dan is menge vahi. Ed-uwiten dan diyà te zuma he lugar is ketengà te menge meǥinged keniyan he inged. Piru is duma, egkesamà keniyan te inged.