Jeremias 51:10 - Manobo Western Bukidnon OT

¹⁰ Ibpenimales kiw te Nengazen! Gaanggaan kew su edhendiyè kiw te Jerusalem ne edtudtulen tew ziyà is mibeelan te Nengazen he Megbevayè tew.”

Jeremias 51:10 ပူးပေါင်းရင်းမြစ်များ

Salmo 118:17

Kenè e pa ebpatey, kekenà, ebpedayun e pa he uuyag, su wey ku ikeseysey is mibpemeelan te Nengazen.

Salmo 37:6

Edhimuwen din he utew keladu is kebpezeyaǥa zin he metazeng ka wey wazè nu salà, iring kekeladu te silà te andew ke meudtu.

Salmo 64:9

Ne zutun egkengahandek is langun he menge etew. Ne egngunngunuen dan is mibpemeelan te Megbevayà, ne edtudtulen dan haazà.

Salmo 66:16

Sikiyu is langun he edtahud te Megbevayà, hendini kew wey a keniyu pemineǥa; edtudtulan ku sikiyu ke hengkey is mibeelan din kedì.

Salmo 9:14

su wey ku ikeseysey ziyà te menge etew ziyà te menge pultahan te inged he Zion is menge mibeelan nu, he iyan igkezeliǥa ku kenikew. Ne edlipey a zutun tenged te kedlibriya nu kediey.

Isaias 24:14

Is egkesamà he menge etew ne ebpemen-ugyab te kegkelipey zan. Is diyà te edsenlepan idsangyew zan is kegkemekeǥeǥehem te Nengazen.

Isaias 40:2

Lelaǥi niw te menayù is menge etew ziyà te Jerusalem. Tudtula niw kandan he nepasad en is kegkerasey zan wey nepesaylu en is menge salè dan. Su nezawat dan en is silut he para te langun he menge salè dan.”

Isaias 51:11

Edlikù diyà te Zion is menge etew he midlibri nu he ebpemenganta he kenà egkeengked is kegkelipey zan. Egkaawè en is kegkeseeng dan, ne utew subra is kegkelipey zan.

Jeremias 50:28

“Pemineǥa niw is menge etew he nekepelaǥuy puun te Babilonia. Nenudtul zan diyà te Jerusalem ke mibmenumenu te Nengazen he Megbevayè tew is kebelesi zin te Babilonia tenged te mibeelan te menge tig-Babilonia ziyà te baley zin.

Jeremias 50:45

Umbe, pemineǥa niw is mibpelenuwan ku te ebaal he idezaat te Babilonia. Minsan is menge anak dan ne ebihaǥen, ne is menge tanè dan edezeetan tenged te mezaat he mibeelan dan.