Jeremias 50:36 - Manobo Western Bukidnon OT

³⁶ Ibpeǥezaman daan heini te teruen he menge ebpeneuven, ne ebuneǥen sikandan. Wey ziyà daan te menge sundaru zan, ne egkengeheratan dan utew!

Jeremias 50:36 ပူးပေါင်းရင်းမြစ်များ

2 Samuel 15:31

Duen mibpenudtul ki David he si Ahitofel ne sevaha te nekidsevaha ki Absalom. Ne zutun mid-ampù si David, “Nengazen, himuwa nu he wazà pulus te sambag ni Ahitofel.”

2 Samuel 17:14

Migkaǥi si Absalom wey is langun he menge sineriǥan te Israel te, “Meupiya pa is sambag ni Hushai he Arkanhen kenà is ki Ahitofel.” Meupiya is sambag ni Ahitofel, piru ketau te Nengazen he kenà ebpemineǥen heini ni Absalom, su wey mezaat is egkepengkusan din.

2 Cronica 25:16

Dutun te kemulu pa egkaǥi haazà is ebpeneuven, ne midtavak haazà is hadì te, “Maan is edsembaǥan a kenikew? Midhimu ku ve sikew he peresambag? Mebpereremek ka, emun kenè ka egkesuat he ebpatey.” Umbe, mibpereremek haazà is ebpeneuven hein nekepasad sikandin he egkaǥi kayi: “Siguradu he edèdeetan ka te Megbevayà tenged te mid-azap nu is duma he menge ed-ezapen ne wazè ka mebpemineg kedì.”

Isaias 43:14

Iyan heini egkeǥiyen te Nengazen, he menluluwas niw, he Waǥas he Megbevayà te Israel, “Para melibri kew, ibpesurung ku is Babilonia te menge sundaru te sevaha he nasyun, ne ebpemelaǥuy is menge tig-Babilonia ziyà te menge varku he ibpahambug dan.

Isaias 44:25

Wazè ku mehimuwa he metuman is menge tagnà te teruen he menge ebpeneuven. Ne edhimuwen ku he menge tulebung is menge menenagnà. Edhimuwen ku he kenà medselir is ketau te menge uluwanen, wey edhimuwen ku he kenà ebpulus is netuenan dan.

Jeremias 48:30

Siak is Nengazen, netuenan ku he utew kew menge hembugiru, piru wazè kayi pulus.

Jeremias 49:22

Tengteng kew! Is kuntada henduen be te kulaǥu he edlayang su edawi te Bozra. Dutun he timpu egketeranta is menge sundaru te Edom he henduen be te vahi he ebeliliten.”

Jeremias 50:30

Umbe, ebpematey is menge vetan-en din he menge maama ziyà te menge zalan, ragkes en is langun he menge sundaru zin.

Jeremias 51:23

Ragkes is menge uyaǥen wey is menge ebantey zuen, is menge perevasuk wey menge vaka, is menge pengulu wey menge upisyal edezeetan ku pinaaǥi kenikew.

Jeremias 51:30

Ed-engked en he ebpekidtebek is menge sundaru te Babilonia ne ziyè dan dà te kampu zan. Neewaan dan en te zesen ne egkeiring dan te vahi he meluya. Nevinsulan is menge valey ziyà te Babilonia wey nengezeetan is menge terangka te pultahan te menge inged kayi.

Jeremias 51:32

Naaǥew en is menge repasan diyà te wahig. Ne nengevinsulan is menge elesà, ne neteranta is menge sundaru.

Nahum 2:8

Is menge etew he ebpemelaǥuy puun te Nineve ne henduen be te edtudà he wahig he ebpuun diyà te nevusuwangan he peneng. Is menge ebpemelaǥuy ibpelikù te menge zuma zan piru wazè en egkeluvus he edliku.

Nahum 3:13

Tengtengi niw man is menge sundaru niw–meluya he iring te menge vahi! Is menge trangka te pultahan te inged niw ne nengetutung en, umbe melemu zà heini he edselezan te menge kuntada niw.

Nahum 3:7

Ne edlikey is langun he ebpekaahà keniyu he ke sikandan te, ‘Newaǥey en is Nineve. Wazè en edsineǥew para kandin. Wazà edlangan kandin.’ ”