Jeremias 50:20 - Manobo Western Bukidnon OT

²⁰ Dutun he timpu, egkehanew en is menge salà wey is menge kedsupak te nesamà he menge etew ziyà te Israel wey Juda, su ebpeseyluwen ku sikandan.’ ”

Jeremias 50:20 ပူးပေါင်းရင်းမြစ်များ

Salmo 103:12

Ke sengemenu keziyù is edsilaan diyà te edsenlepan, iyan daan kebpekeziyua zin kenitew puun te menge salè tew.

Salmo 17:3

Minsan is gehinawa ku ke mezukilem ne midsusi nu. Migezaman a kenikew ne wazè nu naahà he mezaat kayi te kediey. Midisisyun a he kenà a egkaǥi te mezaat

Salmo 85:3

Wazè key en kenikew mepeuki.

Isaias 1:9

Emun wazà uuyag he midsamà kenitew te Nengazen he Mekeǥeǥehem, ne egkeiring kiw en te Sodom wey Gomora.

Isaias 33:24

Dutun he timpu, wazà meǥinged diyà te Jerusalem he ebpekekaǥi te, “Deruwanen a.” Ebpeseyluwen te Nengazen is menge salè dan.

Isaias 43:25

“Iyan a mismu mid-awà te menge salè nu su para meveǥayi a te zengeg, ne kenè ku en heini edtentenuzan.

Isaias 44:22

Id-awè ku en is menge salè nu iring te kivel etawa gapun. He Israel, likù ka kayi te kedì, su edlibriyen ku sikew.”

Jeremias 31:34

Wazè en egkaǥi ziyà te emurè din te inged etawa suled din te kinahanglan he egkilelaan nu is Nengazen. Su pudu en sikandan egkilala kedì, puun te kinemevevaan pehendiyà te kinetikangan is ked-etew zan. Su ebpeseyluwen ku sikandan te menge mezaat he neveelan dan, ne kenè ku en edtentenuzan is menge salè dan.” Iyan a, is Nengazen, is migkaǥi kayi.

Jeremias 33:15

Dutun he timpu iyan ku ibpezumala is metazeng he hadì he kevuwazan ni David. Ne ebeelan din is metazeng wey hustu kayi te tivuuk he tanà.

Jeremias 33:8

Edlumpiyuwan ku sikandan wey ebpeseyluwen te langun he menge salè dan kayi te kediey.

Jeremias 44:14

Ebpematey kew is langun he nengesamà he uuyag he menge tig-Juda he mid-ubpà diyà te Ehipto. Kenè kew en ebpekelikù diyà te Juda, he egkesuat kew pezem edlikù su ziyà kew ed-ubpà. Wazà ebpekelikù keniyu he egkelibri gawas te egkepipira he ebpekepelaǥuy.”

Jeremias 50:4

“Dutun he timpu is menge etew ziyà te Israel wey Juda edsineǥew is edangep kayi te kedì, te Nengazen he Megbevayè dan.

Penhulùhulù 4:22

Sikiyu is menge meǥinged diyà te Zion, egketapus en is kedsiluti keniyu. Hapit kew en ibpeulì te Nengazen puun te kegkevihag. Piru sikiyu is menge etew ziyà te Edom edsilutan kew te Nengazen tenged te menge salè niw ne ibpahayag din is kelelalung niw.

Ezekiel 18:22

Kenà en sikandin edsukutan tenged te langun he menge salà he nehimu zin te nehuna he timpu, tenged te mibeelan din he metazeng ebpedayun is kegkeuyag-uyag din.

Micas 7:19

Egkeumanan key kenikew egkehizuwi ne id-awè nu is langun he menge salè dey. Iring dà te edtekutakan nu heini ne idtimbag nu ziyà te kezeleman te zaǥat.

Zefanias 3:12

Edsemaan ku ziyà te Jerusalem is menge etew he pubri wey egkaayuayu, ne ebuyù dan te tavang kayi te kedì.

Zacarias 3:9

Josue, tengtengi nu is batu he insavuk ku ziyà te etuvangan nu, duen kayi pitu he mata. Ebpeukiran ku heini, ne id-awè ku is salà te menge etew te nasyun he Israel te senga andew zà.

Numero 23:21

Wazè ku naahà he kezeetan etawa kelised he egkehitavù diyà te Israel. Mibpekiduma kandan is Nengazen he Megbevayè dan; egkilelaan dan sikandin he hadì dan.