Jeremias 50:12 - Manobo Western Bukidnon OT

¹² Piru ebpeel-elezan ku is tivuuk he meǥinged diyà te nasyun niw. Egkehimu heini utew mevavà te langun he nasyun, wey egkehimu heini he mekevulungbulung wey disirtu he nasyun.

Jeremias 50:12 ပူးပေါင်းရင်းမြစ်များ

Isaias 14:22

Migkaǥi is Nengazen he Mekeǥeǥehem te, “Edsurungen ku wey edezeetan ku is Babilonia. Wazà edsemaan ku he uuyag dutun he lugar. Wazà egkesamà te menge kevuwazan dan.

Isaias 23:13

Ahàa niw is tanà te menge tig-Babilonia. Hendei en buwa is menge meǥinged duen? Midhimu te Asiria heini he lugar he ubpeey zà te leew he menge langgam. Su midsurung dan heini, midrundus dan is menge melig-en he vahin kayi, ne mibey-anan dan en heini is lugar he nevengkag.

Jeremias 12:14

Migkaǥi pa is Nengazen te, “Iyan heini ebeelan ku ziyà te langun he mezaat he meǥinged diyà te menge nasyun he nekeelingkus te Israel, he midezaat te tanà he imbeǥey ku te menge etew ku para mepengevilin dan: Ebpepeleǥuyan ku kandan is tanè dan, iring te kebpepeleǥuwi ku te menge tig-Juda te tanà te mibihag kandan.

Jeremias 15:9

Egkelipeng wey edlised he egehinawa is iney he ebpatey is pitu he anak din he menge maama. Is menge anak din egkeiring te andew he midsayu medsanlep. Egkepeel-elezan sikan is egkaawà diyà te kandin is menge anak din. Ne is egkesamà he uuyag ibpehimetayan ku te menge kuntada zan. Iyan a, is Nengazen, is migkaǥi kayi.”

Jeremias 22:6

Iyan heini migkaǥi te Nengazen bahin duen te turuǥan te hadì te Juda: “Diyà te kediey iring is kekempet kayi te kekempet te Gilead etawa puntur te vuntud he Lebanon. Piru siguradu he edhimuwen ku heini he disirtu, iring te inged he wazà duen ed-ubpà

Jeremias 25:12

“Iyan, emun egketapus en is 70 he tuig, edsilutan ku is hadì te Babilonia wey is menge etew zin tenged te salè dan. Edhimuwen ku zaan is nasyun dan he mekevulungbulung taman te taman.

Jeremias 25:26

is menge lugar ziyà te zizaya, meziyù etawa uvey–is langun he ginhedian kayi te kelibutan. Ne is huziyan he ibpeinum ku iyan is diyà te Babilonia.

Jeremias 49:2

Siak, is Nengazen, migkaǥi a te egkeuma is timpu he ibpesurung ku te menge kuntada niw is Raba. Ebengkaǥen dan heini is dekelà he inged niw ne ebinsulan dan is dezeisey he menge inged diyà te peliǥuy zin. Pinaaǥi kayi egkesegseg te menge Israilihanen is menge midsegseg kandan.

Jeremias 51:43

Egkehimu he mekevulungbulung is menge inged kayi; egkeiring heini te disirtu he memaza he wazè duen ed-ubpà wey minsan edsaǥad.

Jeremias 51:47

Egkeuma is timpu he edsilutan ku is menge ed-ezapen diyà te Babilonia. Egkepurung egkeeled-eled is tivuuk he Babilonia, wey ebpemekesesavuk is ebpemematey he menge etew kayi.