Jeremias 50:10 - Manobo Western Bukidnon OT

¹⁰ Ed-eǥawen dan is menge azen diyà te Babilonia, ne egkuwaan dan is egkesuatan dan te egkuwa. Iyan a, is Nengazen, is migkaǥi kayi.

Jeremias 50:10 ပူးပေါင်းရင်းမြစ်များ

Isaias 33:23

Is Jerusalem guntaan, iring te untuzà diyà te zaǥat he nelugkà is menge hiket din wey menge layag, ne kenà egkevekar is menge layag din. Piru egkeuma is timpu he mahabet he menge azen is egkaaǥew te menge tig-Jerusalem diyà te menge kuntada zan. Umbe minsan is menge piang ne egkevehinan.

Isaias 33:4

Edtevanen is menge azen dan; egkeiring sikandan te pinemula he midterapan.

Isaias 45:3

Ibeǥey ku kenikew is nekeeles he menge ketiǥeyunan, su wey nu metueni he iyan a, is Nengazen he Megbevayà te Israel midtawag kenikew.

Jeremias 25:12

“Iyan, emun egketapus en is 70 he tuig, edsilutan ku is hadì te Babilonia wey is menge etew zin tenged te salè dan. Edhimuwen ku zaan is nasyun dan he mekevulungbulung taman te taman.

Jeremias 27:7

Ebpenilbi kandin is menge etew ziyà te langun he menge nasyun. Ebpenilbi zan daan te menge anak din wey menge apù din taman te timpu he iyan en maan edezeetan is Babilonia. Dutun he timpu, iyan en maan ebpekepenilbi is menge tig-Babilonia te mahabet he menge nasyun wey te mekeǥeǥehem he menge hadì.

Jeremias 50:26

“Sikiyu is menge kuntada te menge tig-Babilonia he ebpuun diyà te meziyù he lugar, surung kew ziyà te Babilonia! Puwasi niw is menge budiga kayi. Itambù niw is menge azen he egkaaǥew niw he iring te edtambù kew te trigu. Purungi niw dezeeti is menge tig-Babilonia ne kenè niw en semai.

Jeremias 50:37

Heini is ispada ibpeǥezaman daan te menge kudè din wey menge kerwahi, wey ziyà te langun he ebpuun te zuma he lugar he kezapig din. Ne edluyahan sikandan iring te vahi! Egkeulaula zaan heini ziyà te menge ketiǥeyunan din, ne ed-eǥawen heini.

Jeremias 51:24

“Sikiyu is menge etew ku, ibpeehè ku keniyu is kebelesi ku te Babilonia wey te menge meǥinged kayi he lugar, tenged te langun he mibeelan dan diyà te Jerusalem. Iyan a, is Nengazen, is migkaǥi kayi.

Ezekiel 11:24

Ne pinaaǥi te kebpelewasa kedì te Mulin-ulin te Megbevayà nelewasan ku he mibitbit e zin ne mid-uwit e zin diyà te menge vinihag diyà te Babilonia. Ne netapus is nengelewasan ku mehitenged te Jerusalem.

Habakuk 2:8

Tenged te mahabet he menge nasyun is mid-eǥawan niw te menge azen, ne iyan kew en maan ed-eǥawan te menge etew he nesamà keniyan he menge nasyun. Egkehitavù heini keniyu tenged te kebpenhimatey niw te menge etew wey kebpendezeeti niw te menge tanè dan wey menge inged dan.