Jeremias 5:29 - Manobo Western Bukidnon OT

²⁹ Kenè be ereg he edsilutan ku sikandan tenged kayi? Kenè be ereg he ebelesan ku is menge meǥinged diyà te menge nasyun he iring kayi is baal zan?

Jeremias 5:29 ပူးပေါင်းရင်းမြစ်များ

Isaias 57:6

Is metilak he menge vatu ziyà te menge zal-ug, iyan menge megbevayè niw. Ed-ezapen niw heini pinaaǥi te kebpemuhat te menge pemuhat he inumen wey pemuhat he para gasa. Kenè ku igkelipey heini is baal niw.

Jeremias 5:9

Kenè be ereg he edsilutan ku sikandan tenged kayi? Kenè be ereg he ebelesan ku is menge meǥinged diyà te nasyun he iring kayi is baal zan? Iyan a, is Nengazen, is migkaǥi kayi.

Jeremias 6:6

Iyan heini migkaǥi te Nengazen he Mekeǥeǥehem: “Penamped kew te menge kayu he egkeǥamit niw te kebengkag te verengbeng te Jerusalem, ne tambù kew te tanà diyà te kilid te verengbeng he iyan egkepemenehikan niw. Heini he inged ereg en he edezeetan, su midelandap en kayi he lugar is kebpendaagdaag.

Jeremias 9:9

Umbe, ereg he edsilutan ku sikandan. Ereg he ebelesan ku is nasyun he iring kayi.”

Malakias 3:5

Migkaǥi is Nengazen he Mekeǥeǥehem te, “Edhendiyà a te keniyu su edhukum a. Segugunè ku ibpetueni is menge salà te menge veyilan, menge mengungumpadi, menge ebpenistiǥus te tarù, menge egalen he ebpenlimbung, menge ebpemintahà te menge valu he vahi wey menge ilu, wey menge lumelengyawà, wey is menge wazè dan kedtahud kedì.”