Jeremias 5:28 - Manobo Western Bukidnon OT

²⁸ Midlambù dan wey mibmeupiya is lawa zan. Kenè en edtaman is kebaal zan te mezaat. Wazè dan beǥayi te hustu he kukuman is menge ilu, wazè dan depiǥi is ketenged te menge pubri he menge etew.

Jeremias 5:28 ပူးပေါင်းရင်းမြစ်များ

Job 12:6

Piru is menge tulisan wey is menge etew he ebaal te igkepauk te Megbevayà, melinawen mulà is kebpengungubpaan dan, minsan is kebpekegaga zan, ne iyan ed-isipen dan he megbevayè dan.

Salmo 119:70

Heini is menge gelbuwen, kenà sikandan ebpekesavut te kesuǥuan nu. Piru siak, igkelipey ku is kedtuman kayi.

Salmo 72:4

Berakat he edlevanan wey edtevangan te hadì is menge egkaayuayu, ne edaaǥen din is menge etew he edaagdaag kandan.

Salmo 73:12

Iring keniyan is menge lalung he etew, wazè dan igkeliveǥ ne mid-iseg pa is kegkesepian dan.

Salmo 73:4

Meupiya is kedlelawa zan ne kenà mesakit is kemetayen dan.

Erubasa 15:25

Edrundusen te Nengazen is baley te etew he mepelevawen, iyan, edtipiǥan din mulà is menge azen te valu.

Isaias 1:23

Is menge pengulu nu ne mibpekidsukulà wey miduma te menge tekawen. Egkesuat dan he layun edsipsip, wey ebuyù sikandan te menge gasa. Wazè dan levani is ketenged dutun te menge ilu wey wazè dan pemineǥa is riklamu te valu he menge vahi.

Jeremias 12:1

He Nengazen, layun hustu is kukuman nu emun edriklamu a ziyà te kenikew. Ne ǥuntaan ed-insà a mehitenged te hustu he kukuman nu: Maan is ed-uswag is menge lalung? Maan is dezeyaan is ked-ubpà te menge etew he midluib kenikew?

Jeremias 2:33

Metau kew te paaǥi para mahala kew te mibmahal niw he menge ed-ezapen. Minsan is bahi he metau he ebelegyà te zengeg din ne ebpekeistudyu pa ziyà te keniyu.

Jeremias 22:3

Migkaǥi is Nengazen te: Baal kew te hustu wey metazeng. Tevangi niw is menge mibpenekawan; libriya niw sikandan puun te gehem te midrasey kandan. Kenè niw dèdaaǥa wey pesipelahi is kenà menge Israilihanen, is menge ilu, wey is menge valu. Kenè kew zaan himatey te wazà mekesalà.

Jeremias 7:6

Kenè niw en dèdaaǥa is menge langyew, menge ilu, wey menge valu he vahi. Engkezi niw is kedhimatey te wazà mekesalà, wey kenè kew azap te zuma he menge ed-ezapen he ebpekezezaat dà keniyu.

Amos 4:1

Sikiyu is dungganen he menge vahi ziyà te Samaria, iring kew te menge vaka ziyà te Bashan he mibpurungan elimahi. Edèdaaǥen niw wey mibpesipelahan is menge pubri, ne edsuǥuen niw pa is menge esawa niw he uwiti kew zan te inumen. Umbe pemineǥa niw heini is

Zacarias 7:10

Kenè niw dèdaaǥa is menge valu he vahi, is menge ilu, is menge lumelengyawà, wey menge pubri. Kenè kew med-isip te mezaat diyà te minsan hentei keniyu.’

Deuteronomio 32:15

Mid-uswag is menge Israilihanen piru nekidsukulè dan gihapun. Mibmelembù dan wey midekelà, iyan mid-iniyuǥan dan is Megbevayà he iyan midlimbag kandan, wey mid-engkezan dan is endilungè dan he vatu he iyan daan menluluwas dan.