Jeremias 5:26 - Manobo Western Bukidnon OT

²⁶ “Duen lalung he menge etew keniyan te menge etew ku he edtaǥad te egkebiktima zan, iring sikandan te etew he ebpenlitag te tagbis. Midlitag dan para melitag is duma he etew.

Jeremias 5:26 ပူးပေါင်းရင်းမြစ်များ

Salmo 64:5

Ebpehinghinggatè dan te kebaal te mezaat he pelanu. Ne ebpelenuwan dan ke hendei zan idlitag is menge litag dan. Ke sikandan te, “Wazà ebpekaahà kayi.”

Erubasa 1:11

Emun ke sikandan te, “Duma ka kenami su ed-ayan kiw, ne edhimetayan tew is edsaǥad minsan pa te wazà mekesalà.

Isaias 32:7

Mezaat is menge paaǥi te limbungan he etew. Ed-isip sikandin he edezeetan din is menge pubri pinaaǥi te kedtarùtarù, minsan dutun te timpu he ebuyù te hustu he kukuman is menge pubri.

Isaias 58:1

Migkaǥi is Nengazen te, “Habet kew pengulahì; iringa niw te kezaǥing te vudyung! Kenè niw heini eǥena! Ipetueni niw te menge etew ku he menge kevuwazan ni Jacob is menge salè dan wey menge kedrapas.

Jeremias 18:20

Meupiya is mibeelan ku ziyà te kandan ne ebelesan e zan te mezaat. Mibangbang sikandan su para meulug a zutun. Tentenuzi nu he midangep a ziyà te kenikew te kedhangyù he kenè nu en sikandan kepeuki.

Jeremias 18:22

Ipeerang nu sikandan tenged te utew kegkahandek emun ibpetik-ew nu ibpesurung diyà te menge valey zan is menge kuntada zan. Su mibangbang dan su para meulug a, wey midlitag sikandan su wey a melitag.

Jeremias 4:22

Migkaǥi is Nengazen te, “Tulebung is menge etew ku; wazè e zan mekilala. Iring sikandan te engey he menge vatà he kenà ebpekesavut. Utew zan metau he ebaal te mezaat, ne kenè dan mulà egketau he ebaal te meupiya.”

Jeremias 9:8

Su is menge zilè dan iring te ibpatey he panà, ne pudu tarù is ebpengeǥiyen dan. Uvag egkaǥi sikandan te meupiya ziyà te iring dan he etew, piru ziyà te gehinawa zan ebpelanu zan te kedezaat kandan.

Micas 6:10

Mezaat kew he menge etew! Kenè ku egkelipatan is menge ketiǥeyunan he netiǥum niw pinaaǥi te mezaat he paaǥi. Migamit kew te kenà hustu he tekesà he iyan kes baal he midrewakan ku.

Micas 7:2

Is ibpesavut ku iyan is, wazè en neehè ku he etew kayi te Israel he mepezumdumahan te Megbevayà. Wazè en nesamà he metazeng he etew. Is kada sevaha, edtaǥad te meupiya he timpu te kegkehimetayi zin te zuma zin he meǥinged, iring te etew he edtaǥad te kegkeutela zin te langgam he edhingutelen din.