Jeremias 5:19 - Manobo Western Bukidnon OT

¹⁹ Emun ed-insà is menge etew te, ‘Maan is mibeelan heini is langun te Nengazen he Megbevayè tew ziyà te kenitew?’ Keǥiyi nu sikandan te, ‘Geina te inselikwey niw is Nengazen, ne nenilbi kew te zuma he menge ed-ezapen diyà mismu te tanè niw. Ne ǥuntaan ebpekepenilbi kew te menge lumelengyawà dutun te kenà keniyu he tanà.’

Jeremias 5:19 ပူးပေါင်းရင်းမြစ်များ

Jeremias 13:22

Kenè ke ve vuwa ebpekeinsà diyà te ǥehinawa nu ke maan is nehitavù heini ziyà te kenikew? Midezeetan ka he iring te vahi he midlayug, su tenged te mahabet he menge salè nu.

Jeremias 16:13

Umbe, edsegseǥen ku sikiyu puun kayi he tanà pehendiyà te tanà he sikiyu wey is menge kepuun niw wazè niw zuen hanew. Ne zutun ebpekevayèbayè kew te kedsilbi te zuma he menge ed-ezapen; ne kenè ku sikiyu egkehizuwan.

Jeremias 17:4

Egkaawà diyà te keniyu is tanà he imbeǥey ku keniyu. Ibpeuripen ku sikiyu te menge kuntada niw ziyà te tanà he wazè niw zuen hanew, su midhimu niw he mepauk a te pauk he zekelà su henduen be te edriyubriyub he hapuy he kenà egkeevukan.”

Jeremias 2:13

“Is menge etew ku, nekehimu te zezuwa he salà: Mid-iniyuǥan e zan, is serebseb he ebpekeveǥey te untung, wey migkalut dan te vudsi he punduwà te wahig he egkemezahan, he iyan is ked-azap te zuma he menge ed-ezapen.

Jeremias 2:14

Is Israel wazà meetew he uripen. Piru maan is midezeetan sikandin te menge kuntada zin?

Jeremias 2:35

egkaǥi pa is kada sevaha keniyu te, ‘Wazà a mekesalà. Ne kenà a egkepeukan te Nengazen.’ Piru edsilutan ku sikiyu tenged te kegkaǥi niw he wazè kew mekesalà.

Jeremias 5:18

Piru minsan pa te iyan heeyan egkehitavù dutun he timpu, ne kenè ku sikiyu ebpurungan edezeeti. Iyan a, is Nengazen, is migkaǥi kayi.

Jeremias 5:20

“Ipetueni nu heini te menge etew ziyà te Israel wey Juda:

Jeremias 9:12

Mid-insaan ku is Nengazen, “Hentei is uluwanen he etew he ebpekesavut kayi he menge hitavù? Hentei is midseysayan nu mehitenged kayi he iyan ebpekepesavut kayi? Ke maan is nezeetan heini he tanà he henduen be te nehimu he sibsivayan he wazè en duen ebayà?”

Jeremias 9:13

Midtavak is Nengazen, “Neulaula heini su ǥeina te wazè dan tumana is menge suǥù he imbeǥey ku kandan. Wazà sikandan mebpezumazuma kedì wey wazè dan sunuza is menge kesuǥuan ku.

Penhulùhulù 5:8

Menge uripen is midumala kenami ne wazà ebpekepeǥawas kenami puun te ǥehem dan.