Jeremias 5:1 - Manobo Western Bukidnon OT

¹ Migkaǥi is Nengazen te, “Sikiyu is menge meǥinged diyà te Jerusalem, hendiyè kew te menge zalan! Ne ehàa niw is menge pelasa! Emun duen egketuredu niw he minsan sevaha zà he metazeng wey egkeseriǥan he etew, ebpeseyluwen ku is menge meǥinged te inged niw.

Jeremias 5:1 ပူးပေါင်းရင်းမြစ်များ

1 Hadì 19:10

Midtavak sikandin te, “Nengazen he Megbevayà he Mekeǥeǥehem, metinumanen a he nenilbi kenikew. Piru inselikwey te menge Israilihanen is paaǥi nu te kebpekid-uyun kandan, midezeetan dan is menge pemuhatà para kenikew, wey mibpenhimetayan dan is menge ebpeneuven nu. Ne sebsevaha ku zà te nesamà, piru edtinguhè dan daan te kedhimatey kedì.”

2 Cronica 16:9

Su is Nengazen, ne neehè din is tivuuk he menusiyà ne edlig-enan din is menge etew he edsunud kandin. Kelelalung is mibeelan nu! Umbe puun guntaan ne layun ke en ebpekepekidtebek.”

Salmo 12:1

Tevangi a, Nengazen, su wazè en etew he nesamà he metinumanen wey egkeseriǥan.

Salmo 14:2

Diyà te langit mid-ahà te Nengazen is keet-etawan su edsusiyen din ke zuen be nekesavut te tutuu wey ke zuen be edangep diyà te kandin.

Salmo 14:3

Sikandan is langun, midsuwey zan te tutuu he zalan ne pudu memezaat is ulaula zan. Wazà minsan sevaha kandan he ebaal te meupiya.

Salmo 94:16

Wazà duma he ebpeketavang kedì ke edsurungen a te lalung he menge etew, kekenà, iyan ke zà, Nengazen.

Erubasa 20:6

Mahabet he menge etew is egkaǥi he metau sikandan, iyan, tutuu ve he zuen kandan egkeseriǥan?

Erubasa 23:23

Peniguduwi nu he maangken nu is ketutuanan, ketau, kegkemansu, wey kedsavut. Ne kenè nu heini iliwà te minsan hengkey he menge azen.

Erubasa 8:3

wey ziyà te menge ǥemawan te inged, wey ziyà te menge veyeey. Ne ebpengumew sikandin te,

Solomon 3:2

Umbe, mid-enew a ne mid-eneb ku hipenawa is inged, is menge zalan, wey is menge pelasa. Mibpen-ehè ku is minahal ku piru wazè ku sikandin maahà.

Isaias 59:4

Wazà diyà te keniyu is hustu he kukuman; ne tarù is menge sumbung niw mehitenged te iring niw he etew. Ebpelanu kew te mezaat, ne ebeelen niw heini.

Jeremias 2:29

Maan is edriklamu kew kayi te kedì? Kenè be iyan kew nekidsukulà kedì?

Jeremias 44:15

Utew mahabet is menge Judio he netiǥum te kebpemineg ki Jeremias. Heini sikandan nemen-ubpà diyà te zizaya wey zivavà he vahin te Ehipto. Is langun he menge maama he nesayud he is menge esawa zan midtutung te veyewà para te zuma he menge ed-ezapen, wey is langun he menge vahi zutun, migkaǥi ziyà te ki Jeremias te,

Jeremias 8:6

Mibpurungan ku pemineǥa is menge lalag niw ne wazà nekaǥi niw he hustu. Wazà minsan sevaha keniyu he mid-engked te kelelalung din. Wazà nekekaǥi keniyu te, ‘Utew mezaat is neveelan ku?’ Is kada sevaha keniyu elistu he ebaal te salà, iring te kudà he ed-untuzan te edhendiyà te tebek.

Jeremias 9:2

Angin pezem ke zuen ku egkeubpaan diyà te sibsivayan su ebpekeziyuan ku en is menge emurè ku te inged, su pudu sikandan menge meluiven he iring te vahi he mengungumpadi.”

Jeremias 9:7

Umbe siak, is Nengazen he Mekeǥeǥehem, edhimuwen ku he lunsey is menge etew ku iring te vulawan, ne egezaman ku sikandan. Su iyan heini ereg he ebeelan ku ziyà te kandan.

Ezekiel 22:30

“Nengahà a te etew he ebpekelavan te inged su egkehimu he zatù diyà te pid-elangan ku wey menge etew su wey ku kenà mevengkag heini is inged. Piru wazà a meketuredu.

Ezekiel 9:9

Midtavak sikandin kediey te, “Utew en subra is salà te menge etew te Israel wey Juda. Subre en is kebpehimhimetayà ne wazè en hustu he kukuman diyà te inged. Egkaǥi pa sikandan te kenà edtengteng is Nengazen kenitew, su inselikwey zin en is Israel!

Daniel 12:4

Piru sikew, Daniel, isira nu zà dèpa heini is libru, wey kenè nu en dèpa tudtula is menge lalag kayi taman te egkeuma is ketepusan. Dutun te kenè pa heini ibpahayag ne mezakel is egkesuat he mesavut dan is egkengehitavù.”

Joel 2:9

Edsurung dan diyà te inged he ebpemenahik diyà te verengbeng kayi. Ebpemenehikan dan is menge valey ne ziyè dan ebayà te menge sulawà he iring te menge tekawen.

Amos 8:12

Ebpekeziregdireg kew tenged te kegkeveley niw te kebpen-ahà te etew he ebpekepenudtul ziyà te keniyu te menge lalag ku, piru kenè niw egketuredu heini minsan hendei kew ebpevayà.

Zacarias 2:4

he migkaǥi ziyà te kandin te, “Egpas ka. Pelelaǥuy ka, ne keǥiyi nu haazà is betan-en he ed-uwit te sukud, he is Jerusalem egkehimu he inged he wazè din berengbeng su utew mahabet is menge meǥinged wey menge uyaǥen kayi.