Jeremias 49:6 - Manobo Western Bukidnon OT

⁶ Piru ziyà te huziyan he timpu, ne idlikù ku is meupiya he kebpekesavuk te menge Amunihanen. Iyan a, is Nengazen, is migkaǥi kayi.”

Jeremias 49:6 ပူးပေါင်းရင်းမြစ်များ

Isaias 23:18

Piru ziyà te huziyan he timpu, is genansya zin ne kenà edtipiǥan, kekenà, idhalad diyà te Nengazen su wey ikepemesa te zekelà he keenen wey meupiya he menge visti he para te menge etew he ebpenilbi te Nengazen.

Jeremias 12:15

Piru ziyà te huziyan he timpu egkehizuwan ku heini he menge meǥinged ne idlikù ku sikandan diyà te keugelingen dan he tanà.

Jeremias 46:26

Ibeǥey ku sikandan diyà te egkesuat he edhimatey kandan he iyan si Hadì Nebucadnezar wey is menge upisyal zin. Piru ziyà te huziyan he timpu ebpeumanan ku zed ebpeubpai is Ehipto iring te zengan. Iyan a, is Nengazen, is migkaǥi kayi.

Jeremias 48:47

Piru ziyà te huziyan he timpu, idlikù ku zed is meupiya he kebpekesavuk diyà te Moab. Iyan a, is Nengazen, is migkaǥi kayi.” Iyan heini menge lalag mehitenged te Moab.

Jeremias 49:39

Piru ziyà te huziyan he timpu idlikù ku zed is meupiya he kebpekesavuk diyà te Elam. Iyan a, is Nengazen, is migkaǥi kayi.”

Ezekiel 16:53

Piru egkeuma is timpu he ibpeuman ku ibpeuswag is Sodom wey is Samaria, ragkes is menge anak dan he menge vahi. Ne ibpeuman ku zaan sikew ibpeuswag,

Daniel 11:41

Ragkes te edsurungen din is menge etew ziyà te mekempet he tanà he Israel, ne mahabet he menge etew is egkepatey. Piru kenè din egkezaag is Edom, is Moab, wey is menge pengulu te menge Amunihanen.