Jeremias 49:1 - Manobo Western Bukidnon OT

¹ Iyan heini migkaǥi te Nengazen he mehitenged te menge Amunihanen: “Sikiyu is menge etew he ed-azap te ed-ezapen he si Molec, maan is mid-ubpaan niw is menge inged diyà te tanà ni Gad? Wazè be menge kevuwazan ni Israel he nekepengevilin kayi he tanà?

Jeremias 49:1 ပူးပေါင်းရင်းမြစ်များ

Genesis 19:38

Mid-anak daan haazà is hazi, ne maama zaan is anak din, ne migngezanan din ki Ben Ami. Iyan sikandin kepuun te menge Amunihanen guntaan.

2 Hadì 10:33

he ziyà te zapit te edsilaan te Jordan: is tivuuk he Gilead, is Bashan, wey is menge lugar ziyà te zizaya te inged he Aroer he uvey te zal-ug he Arnon. Ed-ubpaan heini zengan he tanà te tribu ni Gad, ni Reuben, wey ni Manase.

2 Hadì 24:2

Mibpengelinteuwan te Nengazen he surunga te menge tig-Babilonia, tig-Aram, tig-Moab, wey tig-Amon is Juda, sumalà te migkaǥi te Nengazen pinaaǥi te menge suluǥuen din he mibpenaub din.

2 Cronica 20:1

Neuma is timpu he migenat is menge Moabitanhen wey menge Amonihanen, duma zan is duma he menge Meunhanen su ebpekidtebek dan ki Jehoshafat.

2 Cronica 20:23

Midsurung te menge Amonihanen wey menge Moabitanhen is menge sundaru ziyà te menge tig-Buntud he Seir ne nengepatey zan langun. Ne hein nengepatey zan en sikandan, ne mid-uuney zan mebpehimhimetayà.

Nehemias 2:19

Piru hein netuenan heini ni Sanbalat he tig-Horon, ni Tobia he sevaha he upisyal he Amunihanen, ni Geshem he Arabo, mid-undaunda key zan wey mid-engitan. Ke sikandan te, “Hengkey heeyan is ebeelan niw? Mibpelanu kew ve he ebpekidsukulà te hadì?”

Nehemias 4:7

Piru hein netuenan ni Sanbalat, ni Tobia, wey menge Arabo, menge tig-Amon, menge tig-Ashdod he ebpeniguduwan dey is kebangun te verengbeng te Jerusalem wey nesengseng en is menge vudsi kayi, ne nepauk sikandan.

Salmo 83:7

menge Gibalnen, menge Amunihanen, menge Amalikanhen, menge Filistihanen, wey menge etew te Tyre.

Salmo 9:6

Mibpurungan nu zèdeeti is menge kuntada ku, ne kenè ne maan sikandan egkaahà taman te taman. Mibpemengkag nu is menge inged dan, ne kenè ne sikandan egketenuzan.

Jeremias 12:14

Migkaǥi pa is Nengazen te, “Iyan heini ebeelan ku ziyà te langun he mezaat he meǥinged diyà te menge nasyun he nekeelingkus te Israel, he midezaat te tanà he imbeǥey ku te menge etew ku para mepengevilin dan: Ebpepeleǥuyan ku kandan is tanè dan, iring te kebpepeleǥuwi ku te menge tig-Juda te tanà te mibihag kandan.

Jeremias 25:21

Edom, Moab, Ammon,

Jeremias 25:9

ibpesurung ku sikiyu te menge etew ziyà te zizaya he ebpenguluwan te suluǥuen ku he si Hadì Nebucadnezar he hadì te Babilonia. Edsurungen dan heini he tanà wey is langun he meǥinged kayi, ragkes en is langun he menge nasyun diyà te nekeelingkus kayi. Ebpurungan ku sikiyu edezeeti, ne egkeheratan is menge etew he ebpekaahà te egkehitavù keniyu ne egkehimu kew he telemayen. Uya, egkezeetan kew taman te taman.

Jeremias 27:3

Ne heini is menge lalag, tudtula nu ziyà te menge hadì te Edom, Moab, Ammon, Tyre, wey Sidon pinaaǥi te menge perekaǥi zan he midhendiyà te Jerusalem su ebpekidhinguma ki Hadì Zedekia te Juda.

Jeremias 48:1

Iyan heini migkaǥi te Nengazen he Mekeǥeǥehem, he Megbevayà te Israel, mehitenged te Moab: “Mekehizuhizu is menge tig-Nebo su edezeetan heini. Egkepeel-elezan wey ebihaǥen is menge tig-Kiriataim, ne egkengetempag is menge eputà dan he metikang he lugar.

Jeremias 49:23

Iyan heini menge lalag mehitenged te Damascus: “Netingkemed is menge tig-Hamat wey menge tig-Arpad te mezaat he tudtul he nezineg dan. Neliveǥan sikandan wey kenà ebpekehulenà is ked-isip-isip dan; neiring dan te ebpemaǥel he zaǥat.

Jeremias 49:28

Iyan heini migkaǥi te Nengazen mehitenged te Kedar wey te menge ginhedian diyà te Hazor he midsurung ni Hadì Nebucadnezar he hadì te Babilonia: “Pengandam kew ne surunga niw is Kedar! Dezeeti niw heini he menge etew is diyà te edsilaan.

Jeremias 49:7

Iyan heini migkaǥi te Nengazen he Mekeǥeǥehem bahin te Edom: “Hendei en is uluwanen diyà te Teman? Wazè en be nesamà he metau he edsambag?

Ezekiel 21:25

“Sikew, is lalung wey mekesesalà he pengulu te Israel. Neume en is timpu te kedsiluti kenikew!

Ezekiel 25:1

Migkaǥi is Nengazen kayi te kedì te,

Zefanias 1:5

Edezeetan ku zaan is menge ebpemenahik diyà te atep te valey zan su ed-azap dan te andew, bulan, wey menge vituen. Edezeetan ku is menge ed-azap wey nenangdù he ebpenilbi kayi te kedì piru nenangdù daan he ebpenilbi ziyà te ed-ezapen he si Molec.

Deuteronomio 2:19

Ne emun ebpekeuma kew en diyà te menge Amunihanen, he menge kevuwazan ni Lot, kenè niw sikandan semuka wey tebeka su heeyan is tanè dan ne imbeǥey ku kandan, ne kenè ku sikiyu ebeǥayan te tanè dan minsan deisey.’

Deuteronomio 23:3

Is menge Amunihanen wey is menge Moabitanhen etawa minsan hentei te menge kevuwazan dan taman te ikesepulù he lapis, ne kenà egkehimu he edtampu te upakat he para te Nengazen.

Deuteronomio 23:4

Su wazà kew zan beǥayi te keenen etawa wahig hein midhipanew kew puun te Ehipto, ne midsuhulan dan pa si Balaam is anak ni Beor he tig-Petor ziyà te Aram Naharaim te kedrawak keniyu.