Jeremias 48:40 - Manobo Western Bukidnon OT

⁴⁰ Mibpedayun pa megkaǥi is Nengazen te, “Ehàa niw man! Is kuntada te menge tig-Moab neiring te kulaǥu he midlayang he edawi kandan.

Jeremias 48:40 ပူးပေါင်းရင်းမြစ်များ

Erubasa 30:19

Ebmenumenu is kulaǥu he mekelayang diyà te hewhewanan, is uled ebmenumenu he ebpenanap diyà te menge vetuwen, is barku ebmenmenuwen he mekeǥampung diyà te zaǥat, wey ebmenmenuwen te kenakan he mekepengulitawu te raǥa.

Isaias 11:14

Edsevaha sikandan te kedsurung te menge Filistihanen diyè dapit te edsenlepan. Edsurungen dan daan is menge nasyun diyà te edsilaan ne edtevanen dan is menge azen kayi. Edsekupen dan is Edom wey Moab, ne is menge Amunihanen ebpesakup daan kandan.

Isaias 8:8

Edeǥurus sikandan diyà te Juda he iring te zalem he teǥelieg is kezalem ne edlepayan dan is tivuuk he tanà.” Piru zuma zey ǥihapun is Megbevayà!

Jeremias 4:13

Tengteng kew! Ebpekeume en is kuntada tew he iring te ǥapun. Is menge kerwahi zin, henduen be te eribpures, ne is menge kudè din, edhuna pa he elistu te menge mendereǥit. Mekehizuhizu kiw! Su egkezeetan kiw en.

Jeremias 49:22

Tengteng kew! Is kuntada henduen be te kulaǥu he edlayang su edawi te Bozra. Dutun he timpu egketeranta is menge sundaru te Edom he henduen be te vahi he ebeliliten.”

Penhulùhulù 4:19

Meǥaan pa te menderaǥit is menge kuntada zey he edal-as kenami. Edel-asen key zan taman te menge vuvungan. Ne minsan diyè key te sibsivayan ne zutun daan sikandan is edtaǥad he ed-etaki kenami.

Ezekiel 17:3

ne keǥiyi nu sikandan he iyan a, is Nengazen he MEGBEVAYÀ migkaǥi kayi: duen dekelà he kulaǥu he midlayang pehendiyà te Lebanon. Meluag is menge pakpak din wey merapung is bulvul zin he nekedseselekawà is barek. Ne midlatun heini ziyà te purù te kayu he sidru,

Daniel 7:4

Is nehuna he langgam, ne henduen be te erimaung, piru zuen din pakpak he pakpak te kulaǥu. Ne zutun te kedtengteng ku, midtamped is pakpak din. Ne impehitindeg sikandin iring te etew ne mibeǥayan te isip he iring te isip te etew.

Hoseas 8:1

“Ipezaǥing niw is budyung su wey mekepengandam is menge etew ku su is Israel he mid-isip ku he ubpeey ku, edsurungen te menge kuntada he iring keǥaan te menderaǥit. Su wazè dan itetepi-an is paaǥi ku te kebpekid-uyun kandan wey midrapas dan is kesuǥuan ku.

Habakuk 1:8

Is menge kudè dan, meǥaan pa te langgam he liyupardu wey mesipala pa te dumezaas he asu he ebpen-ahà te egkekaan din emun mezukilem. Ebpelelaǥuy heini puun te meziyù he menge lugar, he henduen be te edlayang he kulaǥu he andam he edagmang te edewiyen din.

Deuteronomio 28:49

“Ketau te Nengazen he surunga kew te sevaha he nasyun he ziyà te utew meziyù, he kenè niw egkesavut is kineǥiyan dan. Iring dan te kulaǥu he edawi zutun te kedsurunga zan keniyu.