Jeremias 48:4 - Manobo Western Bukidnon OT

⁴ Egkezeetan is Moab, ne ed-erang is menge vatà.

Jeremias 48:4 ပူးပေါင်းရင်းမြစ်များ

Ester 8:11

Ne zutun te surat, intuǥut te hadì diyà te menge Judio he ziyà te minsan hendei he inged dutun te ginhedian is ketenged te kedsevaha, su wey zan mepengelangi is keugelingen dan. Intuǥut kandan is kedezaat, kebpenhimatey, wey kebpuew te menge edsurung kandan, minsan hengkey he nasyun is ebpuunan dan wey minsan hengkey he prubinsya, ragkes en is menge vahi wey menge vatà. Ne elin daan intuǥut kandan is kedtavan te menge azen te menge kuntada zan.

Salmo 137:9

Utew zeyzey is egkuwa te menge anak niw ne idrumbag dan diyà te vatu.

Jeremias 20:16

Deyzey ke heeyan he etew egkeiring te menge inged he midezeetan te Nengazen he wazè din mehizuwi is menge meǥinged duen. Berakat he mezineg din seled te tivuuk he andew is erang wey kulehian dutun te timpu te tebek.

Jeremias 48:3

Pemineǥa niw is kulehian diyà te Horonaim tenged te zekelà he tebek wey kezeetan.

Jeremias 48:5

Is menge meǥinged diyà te Moab ebpemenlelendag is edtekezeg diyà te Luhit wey ebpemenupang diyà te Horonaim. Uya, egkezineg is erang dan tenged te kezeetan.