Jeremias 48:36 - Manobo Western Bukidnon OT

³⁶ “Umbe neseeng a tenged te Moab wey menge tig-Kir Hareset; neiring a te etew he ebpemulalà he ediyaga. Naawè en is ketiǥeyunan he naangken dan.

Jeremias 48:36 ပူးပေါင်းရင်းမြစ်များ

2 Hadì 3:25

Mibengkag dan is menge inged, ne midtembuan dan te menge vatu is selebpeten he menge pemuleey taman te nekezengkuur is menge vatu zutun. Mibumbunan dan is menge teheb wey mibpemiley zan is meupiya he menge kayu. Ne iyan dà nesamà is inged he Kir Hareset, piru midliǥuyan heini te menge sundaru zan he zuen dan menge limpawes ne midsurung dan heini.

Erubasa 11:4

Kenà ebpulus diyà te kenikew is ketiǥeyunan emun iyan en kebpatey nu, iyan, is ketazeng mulà, ebpekelibri kenikew te kemetayen.

Erubasa 13:22

Is ketiǥeyunan te etew he metazeng ne egkepengevilin te menge apù din, iyan, is azen te mekesesalà, iyan ebpekaangken duen is menge metazeng.

Erubasa 18:11

Is ketiǥeyunan te menge sepian, midtuuwan dan he iyan kutè dan he iring te metikang he verengbeng he nekeliǥuy te inged.

Isaias 15:5

Ingkeseeng ku is menge tig-Moab. Mibpelaǥuy is menge etew zutun pehendiyà te Zoar wey Eglat Shelishiya. Midsineǥew sikandan is edtekezeg diyà te Luhit. Is duma kandan nemen-eerang dutun te kedhendiyè dan te Horonaim, tenged te nehitavù kandan.

Isaias 15:7

Umbe, inlayun dan te zal-ug he Arabim is menge ketiǥeyunan he midheǥuan dan wey netiǥum dan.

Isaias 16:11

Umbe, neiring is gehinawa ku te mekevulungbulung he zaǥing te alpa su ingkeseeng ku is nehitavù diyà te Moab. Ingkeseeng ku zaan is nehitavù te Kir Hareset.

Isaias 63:15

Nengazen, tengtengi key guntaan kenikew puun diyan te langit he segradu wey dungganen he ubpeey nu. Hendei en guntaan is ipeng nu kenami wey ǥehem nu he impeehè nu zengan kenami? Hendei en is kebmahala wey kegkehizuwi nu kenami?

Jeremias 17:11

Is etew he nekaangken te ketiǥeyunan pinaaǥi te mezaat he paaǥi ne iring te tagbis he mid-eren te kenà kandin he impis. Diyà te huziyan he timpu emun edliwezeenan en sikandin, egkaawà diyà te kandin is ketiǥeyunan din ne ebpekelepew is ketetaleng din.”

Jeremias 4:19

Kenè ku en egkaantus is kegkeseeng ku; utew subra is kebpekezag-es ku. Henduen be te ebpemevayu is kumeng ku tenged te kekulbà ne kenà a ebpeketeren. Su nezineg ku is daǥing te vudyung ne nezineg ku zaan is kulehian te ebpekidtebek.

Jeremias 48:31

Umbe, edsineǥawan ku is Moab wey menge tig-Kir Hareset.