Jeremias 48:25 - Manobo Western Bukidnon OT

²⁵ Naawè en is kegkemekeǥeǥehem te Moab ne meluya en heini ǥuntaan. Iyan a, is Nengazen, is migkaǥi kayi.

Jeremias 48:25 ပူးပေါင်းရင်းမြစ်များ

Job 22:9

Emun ebpekitavang diyà te kenikew is balu he menge vahi, ibpeulì nu sikandan he wazè dan uwiten. Wey elin daan is menge ilu wazè nu purungi etura.

Salmo 10:15

Iawè nu is gehem te menge mezaat he etew. Siluti nu sikandan tenged te kezaat dan taman te egkeengkezan dan is ked-ulaula te mezaat.

Salmo 37:17

Su id-awà te Nengazen is desen te menge lalung, ne edtevangan din mulà is menge metazeng.

Salmo 75:10

Id-awè din is gehem te menge lalung he menge etew, ne ed-umanan din mulà is gehem te menge metazeng.

Penhulùhulù 2:3

Tenged te utew zin kegkepauk in-awè din is langun he ǥehem te Israel. Wazè din heini tevangi hein midsurung te kuntada. Iring sikandin te hapuy he mid-epur te menge kevuwazan ni Jacob wey is langun diyà te peliǥuy zan.

Daniel 7:8

Ne zutun te kedtengtengi ku zuen te menge sungey, neehè ku he zuen neketik-ew meketuvù he zeisek he sungey ne nerupù din sikan is tetelu he menge sungey. Heini he sungey, duen din mata he henduen be te mata te etew wey zuen din bèbà he ebpegalbu.

Daniel 8:21

Sikan is kambing, iyan ibpaalung dutun is ginhedian te Grecia, ne sikan is dekelà he sungey ziyà te pid-elangan te menge mata zin, ebpaalung te nehuna he hadì.

Zacarias 2:1

Ne neehè ku is sevaha he etew he zuen din migewezan he idsukud.

Numero 32:37

Is tribu ni Reuben mid-umanan dan benguna is menge inged he Heshbon, Eleale, wey Kiriataim