Jeremias 48:24 - Manobo Western Bukidnon OT

²⁴ Keriot, wey Bozra. Egkeumahan en te silut is langun he ziyà te menge inged diyà te Moab, uvey man etawa meziyù.

Jeremias 48:24 ပူးပေါင်းရင်းမြစ်များ

Genesis 36:33

Hein minatey sikandin, iyan mid-ilis kandin si Jobab he anak ni Zera te tig-Bozra.

Isaias 63:1

Hentei heini is ebpekeuma he ebpuun te Bozra he inged diyà te Edom, he nezekiyan te meriǥà is mekempet he visti zin? Ebpekeuma sikandin he utew zekelà is gehem din. Iyan sikandin kes Nengazen he ebpenudtul he egkaangken en te menge etew zin is kezeeǥan duma is ketazeng.

Jeremias 48:41

Egkaaǥew zan is menge inged wey menge kampu te Moab. Dutun he timpu egkulbaan is menge sundaru te Moab ne egkeiring te vahi he ebeliliten.

Jeremias 49:13

Nenangdù a ziyà te ǥehinawa ku he edezeetan ku is inged he Bozra. Egkehimu heini he mekeharatharat he ed-ahaan, edsudien heini, ne egemiten is ngazan din te kebpenrawak. Is langun he menge inged kayi kenè en egkepurungan te taman te taman.”

Amos 2:2

Umbe, ebinsulan ku is Moab ragkes is melig-en he menge vahin te Keriot. Ebpematey is menge tig-Moab dutun te ebpengulahì wey ebpezaǥing te vudyung is menge kuntada zan he edsurung kandan.

Deuteronomio 4:43

Ne iyan heini he menge inged: Inged he Bezer he ziyà te suǥud he sibsivayan, ne para heini te tribu ni Reuben; inged he Ramot he ziyà te Gilead, ne para heini te tribu ni Gad; wey inged he Golan he ziyà te Bashan, ne para te tribu ni Manase.

Josue 21:36

Mibeǥayan daan sikandan te heepat he menge inged he nesakup te tanà te tribu ni Reuben. He iyan is Bezer, Jahaz, Kedemot, wey Mefaat ragkes is menge penebtavà kayi.