Jeremias 48:14 - Manobo Western Bukidnon OT

¹⁴ Mibpahambug is menge tig-Moab he mevurut kun is menge sundaru zan he ebpekidtebek.

Jeremias 48:14 ပူးပေါင်းရင်းမြစ်များ

Salmo 11:1

Diyà a te Nengazen edhangyù he kelesaǥi e zin. Ne maan is egkaǥi kew kayi te kedì te, “Pelaǥuy ka iring te tagbis pehendiyà te menge vuvungan,

Salmo 33:16

Is hadì kenà ebpekezaag te tebek tenged dà te kezakel te menge sundaru zin. Is sevaha he sundaru kenà ebpekeǥawas he libri puun te tebek tenged dà te kezesen din.

Megwewali 9:11

Duen pa neehè ku kayi te kelibutan: kenà is langun he mezesen he ebpelelaǥuy he ebpekezaag te lumbà, wey kenà is langun mezesen he ebpekezaag te tebek. Kenà is langun he uluwanen he ebpekaahà te igkeuyag-uyag dan, kenà is langun he uluwanen ne edsepian. Su egkeseǥazan te uman sevaha he etew is imbanglis kandin.

Isaias 10:13

Su migkaǥi is hadì te Asiria te, ‘Nehimu ku heini tenged te zesen ku wey ketau ku: Midpen-aǥew ku is mezakel he menge nasyun wey is menge ketiǥeyunan dan. Iring a te tudu he vaka; nezaag ku is menge hadì dan.

Isaias 10:16

Umbe, is Nengazen he Mekeǥeǥehem ebpeeǥiyan din te zaru is menge sundaru te hadì te Asiria, he menge meupiya is kedlelawa. Ebinsulan te Nengazen is ketiǥeyunan kayi te edriyubriyub he hapuy.

Isaias 16:6

Nezineg dey is kegkegelbuwen te menge tig-Moab. Menge gelbuwen sikandan wey menge mepelevawen, iyan, wazè en kayi pulus.

Jeremias 49:16

Midlimbungan kew te galbu niw wey te kedtuu niw he egkahandek keniyu is duma he menge nasyun. Mibpahambug kew he ziyè kew ed-ubpà te vetuwen he metikang he lugar. Piru minsan idrepeng niw pa is ketikang te ubpeey niw te ketikang te impisà te kulaǥu, edezeetan ku ǥihapun sikiyu.”

Jeremias 8:8

Maan is egkaǥi kew he uluwanen kew su ziyà te keniyu is kesuǥuan te Nengazen? He iyan man tutuu is, midhalin heini te menge teruen he menunudlù niw.

Jeremias 9:23

Migkaǥi pa is Nengazen te, “Kenà ereg he ibpahambug te uluwanen is ketau zin, wey is desen din emun mezesen sikandin, wey is ketiǥeyunan din emun sepian sikandin.

Ezekiel 30:6

Iyan a, is Nengazen he MEGBEVAYÀ migkaǥi he egkezeetan iyan is diyà te menge nasyun he nekidsevaha te Ehipto, ne egkaawà is gehem he impehivantug te menge Ehiptohanen. Egkeǥerà is meǥinged kayi puun te Migdol pehendiyà te Aswan.

Zefanias 2:10

Migkaǥi si Zefanias te, “Iyan heeyan bales te kebpelavew te menge tig-Moab wey menge tig-Ammon. Su mibpeel-elezan dan wey midsudì dan is menge etew te Nengazen he Mekeǥeǥehem.