Jeremias 48:13 - Manobo Western Bukidnon OT

¹³ Ne zutun igkeeled te menge tig-Moab is ed-ezapen dan he si Kemosh iring te ingkeeled te menge Israilihanen is kenà tutuu he megbevayà he mid-azap dan diyà te Betel.

Jeremias 48:13 ပူးပေါင်းရင်းမြစ်များ

1 Hadì 11:33

Ne iyan ibeeli ku kayi su ǥeina te mid-iniyuǥan e zin ne iyan din mid-azap si Ashtoret, kes bahi he ed-ezapen te menge Sidunhanen, si Kemosh kes ed-ezapen te menge Moabitanhen, wey si Molec, kes ed-ezapen te menge Amunihanen. Wazà sikandin medsunud te menge paaǥi ku wey wazà mebpengungubpaan te hustu ziyà te etuvangan ku. Wazà sikandin medtuman te menge sulunuzen wey menge suǥù ku; kenà sikandin iring te amey zin he si David.

1 Hadì 11:7

Mibpevaal si Solomon te simbahan diyà te metikang he lugar he zapit te edsilaan te Jerusalem, he para ki Kemosh, te utew mezaat he ed-ezapen te menge Moabitanhen. Mibpevaal zaan sikandin te simbahan he para ki Molec, kes utew mezaat he ed-ezapen te menge Amunihanen.

1 Hadì 18:40

Ne segugunà midsuǥù ni Elias is menge etew te, “Dekepa niw is menge ebpeneuven ni Baal. Kinahanglan he wazà ebpekepelaǥuy kandan!” Umbe midakep dan ne mid-uwit sikandan ni Elias diyà te zal-ug he Kishon ne zutun din penhimetayi.

2 Cronica 25:15

Umbe, utew nepauk is Nengazen ki Amazia. Mibpeveyaan din si Amazia te ebpeneuven he migkaǥi te, “Maan is midangep ka keniyan te menge ed-ezapen he wazè dan man ganì melibri is menge ed-azap kandan he mibpenhimetayan nu?”

Isaias 16:12

Bà dà egkeveley is menge tig-Moab te kedlikù-likù diyà te menge simbahan dan diyà te metikang he menge lugar. Kenà ebpulus is kedhendiyè dan te lavew he simbahan dan para te kebpengemuyù.

Isaias 2:20

Dutun he andew, is menge ed-ezapen he menge pelata wey menge vulawan he mibeelan dan su ed-ezapen dan, ibpenimbag dan diyà te menge rumat wey menge kaveg.

Isaias 45:16

Egkepeel-elezan wey edsudien is langun he mibaal te menge ledawan he ed-ezapen.

Isaias 45:20

Migkaǥi zaan is Nengazen te, “Medtiǥum kew ne uvey kew kayi te kediey, sikiyu is nemekepelaǥuy puun te menge nasyun. Wazà ketau te menge etew he ed-uwit-uwit te menge kayu he ed-ezapen dan. Mibpengemuyù dan kayi te menge ed-ezapen dan he kenà ebpekelibri kandan.

Jeremias 48:12

“Piru egkeuma is timpu he edsuǥuen ku is kuntada te kedsurung te Moab. Ne zutun egkeiring is nasyun he Moab te vinu he mid-ulaan puun te midteǥuan duen ne edrunteken din daan heini.

Jeremias 48:39

Nezeetan en is Moab! Pemineǥa is erang te menge meǥinged kayi. Utew egkepeel-elezi is Moab, ne edsudien heini ne igkelimezangi heini te langun he menge nasyun he nekeelingkus kayi he nekaahà te nehitavù.”

Jeremias 48:46

“Mekehizuhizu kew is menge tig-Moab! Nengezeetan kew is ed-azap te ed-ezapen he si Kemosh, ne mibihag is menge anak niw.

Jeremias 48:7

Sikiyu is menge tig-Moab, midsarig kew te ebilidad niw wey ketiǥeyunan niw. Umbe ebihaǥen kew, ragkes en is ledawan he ed-ezapen niw he si Kemosh wey is menge memumuhat para kayi wey is menge upisyal.

Zatù 11:24

Iyan niw engkena is tanà he ibeǥey keniyu te ed-ezapen niw he si Kemosh. Su sikami, ed-engkenen dey is langun he ibeǥey kenami te Nengazen he Megbevayè dey.