Jeremias 47:7 - Manobo Western Bukidnon OT

⁷ Piru ebpedayun pa is kebpekezezaat kayi te ispada ku su midsuǥù ku man heini te kedsurung diyà te Ashkelon wey te menge etew he ziyà ed-ubpà te veyvey te zaǥat.”

Jeremias 47:7 ပူးပေါင်းရင်းမြစ်များ

Isaias 10:6

Edsuǥuen ku is menge tig-Asiria te kedsurung te egkeepesan ku he nasyun. Heini is nasyun, kenà sikandan edsunud kedì te Megbevayè dan. Heini sikandan, edezeetan ku iring te vasak diyà te kersada he edtekutakan, wey mepenguwa te menge tig-Asiria is langun he menge azen dan.”

Isaias 13:3

Midsuǥù ku en is pinilì ku he menge sundaru te kedsilut te menge etew he egkeepesan ku. Heini he menge sundaru nengelipey sikandan su edsarig dan he edhimuwen ku heini he kedsilut.

Isaias 37:26

“Tutuu iyan he mibpemengkag nu is binerengbeng he menge inged. Piru wazè nu ve metueni he siak, is Megbevayà, neuǥet en he imbanglis ku is kegkeul-ulaha kayi? Neuǥet en diyà te pelanu ku is kegkeul-ulaha kayi ne ǥuntaan edtumanen ku en heini.

Jeremias 48:10

Edrewakan is etew he kenà edseǥipà te vuluhaten te Nengazen he kedezaat te Moab. Edrewakan is etew he kenà egamit te ispada te kedhimatey te menge tig-Moab.

Ezekiel 14:17

“Ne emun daan tebek is ibpaaǥi ku keniyan he nasyun su wey meǥerà is menge meǥinged kayi duma te menge uyaǥen dan,

Ezekiel 21:14

Umbe, sikew is etew, keǥiya nu is menge lalag ku. Sumbaǥa nu is palad nu he tuus te kegkepauk nu, ne kuwa ka te ispada ne itibas nu heini te kezezuwa etawa ketetelu he simbulu he mahabet kandan is ebpematey te tebek.

Ezekiel 21:30

Igumè ku ve heini is ispada? Kenà! Edsilutan ku sikiyu keniyan mismu te nasyun niw, he mid-enakan keniyu.

Ezekiel 21:9

“Keǥiya nu is ibpetuenan ku te menge etew. Keǥiyi nu sikandan te siak, is Nengazen, migkaǥi a te, ‘Mibpurungan ku kemengaa is ispada ku he idhimatey ku keniyu. Utew ku heini impesinew su wey megkindab heini iring te kilat. Ne ǥuntaan edlipey kew pe be? Ed-un-undahan niw pe be is kebmansu ku keniyu?

Ezekiel 25:16

Umbe iyan a, is Nengazen he MEGBEVAYÀ, migkaǥi he edsilutan ku is menge Filistihanen. Ebpenhimetayan ku is menge tig-Keret wey is duma pa he menge ebpemen-ubpà diyà te veyvey te zaǥat.

Amos 3:6

Kenè be egkerkeren te kegkahandek is menge etew emun edaǥing is menge vudyung te kebpesayud he zuen menge kuntada he edsurung? Emun egkeumahan te kezeetan is inged kenè be ketau te Nengazen is kebpekeuma zutun?

Micas 6:9

Pemineǥa niw is migkaǥi te Nengazen diyà te inged he Jerusalem, su is edtahud kandin iyan duen din hustu he ketau: “Sikiyu is menge sakup te tribu te Juda, tiǥum kew ziyà te inged he Jerusalem ne pemineg kew.

1 Samuel 15:3

Umbe ǥuntaan, surunga niw is Amalikanhen! Dezeeti niw is langun he zutun te kandan. Penhimetayi is menge maama zan, menge vahi, menge vatà, minsan is edsusu pa, apil is menge vaka, kerehidu, kemilyu, wey asnu.’ ”