Jeremias 47:3 - Manobo Western Bukidnon OT

³ Egkezineg dan is keǥurub te menge kerwahi wey dabekdabek te menge kudà. Is menge amey kenè dan en edlilingayen te edtavang is menge anak dan. Edluyahan sikandan.

Jeremias 47:3 ပူးပေါင်းရင်းမြစ်များ

Isaias 5:28

Merewidit is basut te menge panè dan ne naandam en is menge panè dan. Is sulu te menge kudè dan iring te utew mezesen he vatu, henduen be te eribpures is kegketileng te ligid te menge kerwahi zan.

Jeremias 46:9

“Sigi en, menge tig-Ehipto, ipepelelaǥuy niw en is menge kudè niw wey menge kerwahi! Surung kew en ragkes is langun he kezapig niw he ebpemuun diyà te Etiopia, Libya, wey Lydia, he menge mahagtì he egamit te kelasag wey panà.

Jeremias 50:42

Neǥumeenan sikandan te menge panà wey menge vangkew. Mesipala sikandan ne wazè dan hizu. Emun ed-untud sikandan te menge kudè dan ne iring is keǥurub dan te keǥurub te dezekelà he menge vaǥel ziyà te zaǥat. Ebpekeuma sikandan is andam en he edsurung keniyu te menge meǥinged diyà te Babilonia.

Jeremias 8:16

Is mezaǥing he herìhian te menge kudà te menge kuntada tew iyan nezineg tew ziyà te Dan. Minsan herìhian dà dutun te menge kudè dan egkahandek kiw en is langun he meǥinged kayi he tanà. Nekeuma zan su edezeetan dan heini he tanà wey is menge netaǥù kayi–is menge inged wey is langun he menge meǥinged kayi.’ ”

Ezekiel 23:24

Edsurung heini kenikew he ebpuun diyà te zizaya duma te mahabet he menge sundaru, menge kudà, wey menge kerwahi. Duen dan menge kelasag wey menge hilmit, ne edliǥuyan ke zan. Ibeǥey ku sikew kandan, ne edsilutan ke zan sumalà te egkesuatan dan he idsilut.

Nahum 2:4

Edseǥembet dà is menge kerwahi zan diyà te menge zalan, he edlikù-likù diyà te menge pelasa. Henduen heini te edsiǥa he sulù wey egkindab he kilat.

Nahum 2:8

Is menge etew he ebpemelaǥuy puun te Nineve ne henduen be te edtudà he wahig he ebpuun diyà te nevusuwangan he peneng. Is menge ebpemelaǥuy ibpelikù te menge zuma zan piru wazè en egkeluvus he edliku.

Zatù 5:22

Ne egkezineg is debakdebak te menge kudà.