Jeremias 46:4 - Manobo Western Bukidnon OT

⁴ Iandam niw zaan is menge kudè niw ne untuzi niw en! Ikekalù niw is menge hilmit niw, kemengaa niw is menge vangkew niw, ne iseluub niw is menge limbutung niw.

Jeremias 46:4 ပူးပေါင်းရင်းမြစ်များ

2 Cronica 26:14

Mibeǥayan sikandan ni Uzia te menge kelasag, bangkew, wey kalù he putew, bisti he limbutung te lawa, panà wey limpawes.

Nehemias 4:16

Iyan, puun dutun he andew, liwazè dà te menge etew ku is impeterebahu ku ziyà te verengbeng, su is liwazà impevantey ku he zuen dan pengalang te kumeng, menge vangkew, menge kelasag, wey menge panà. Is menge upisyal ziyà ebpemenhitindeg te egkeiniyuǥan te menge tig-Juda

Isaias 8:9

Sikiyu is menge etew ziyà te menge nasyun, minsan mebpetemtempuwè kew pa, ebpekedsusuwey kew ǥihapun. Pemineg kew is diyà te menge meziyù! Minsan mebpengandam kew pa para te kebpekidtebek, egkezaag kew ǥihapun.

Jeremias 46:14

“Jeremias, tudtula nu heini ziyà te Ehipto, Migdol, Memfis, wey Tapanhes: Pengandam kew su naandam en is ispada he idezaat keniyu.

Jeremias 51:11

Ebelesan te Nengazen is menge tig-Babilonia su midrundus dan is baley zin. Ibpezezeetan te Nengazen is hadì te Babilonia te hadì diyà te Media su iyan heini tuyù din. Migkeǥiyan te menge edumala sikandan te, “Kemengaa niw is menge panè niw wey iandam niw is menge kelasag niw.

Jeremias 51:3

Kenè dan en ebeǥayan te timpu is menge mememanà diyà te Babilonia te kegamit te menge panè dan wey menge kelasag dan. Ne wazà edsemaan dan he vetan-en he maama. Ebpurungan dan edezeeti is menge sundaru ziyà te Babilonia.

Ezekiel 21:28

“Ne sikew is etew, keǥiyi nu is menge Amunihanen he edsudì te Israel he siak, is Nengazen he MEGBEVAYÀ, migkeǥiyan ku sikandan te: Andam en is ispada he ibpenhimatey. Utew heini impesinew su wey mebpengindab iring te kilat.

Joel 3:9

Ibpetuanen heini ziyà te menge nasyun: Pengandam kew para te kebpekidtebek. Hinggata niw is menge sundaru niw te kedsurung.

1 Samuel 17:38

Impeseluub ni Saul ki David kes bisti zin para te tebek–kes kalù he brunsi wey kes pengalang te kumeng.

1 Samuel 17:5

Is kalù din ne brunsi, wey brunsi zaan is pengalang te kumeng din he iyan keveǥat din is 60 he kilus.