Jeremias 43:9 - Manobo Western Bukidnon OT

⁹ “Diyà te etuvangan te menge etew te Juda, kuwa ka te zekelà he menge vatu ne ileveng nu ziyà te tanà, diyà te teliwazà te veyeey pehendiyà te turuǥan te Faraon te Tapanhes.

Jeremias 43:9 ပူးပေါင်းရင်းမြစ်များ

2 Samuel 12:31

Mid-uripen din is menge meǥinged kayi ne impemeterebahu zin he egamit te menge ǥavas, piku, wey wasey. Impevaal zin daan sikandan te menge brik. Iyan heini mibpeveelan din te langun he menge meǥinged diyà te menge inged te menge Amunihanen. Ne mid-ulì si David diyà te Jerusalem wey is langun he menge sundaru zin.

Exodus 1:14

Wazè dan kegkehizu te menge Israilihanen. Utew zan midlisedlised sikandan pinaaǥi te kebpeterebehuwa kandan te kebaal te menge brik wey kedsimintu. Ne midrasey zan sikandan te kebpeterebehuwa zan diyà te pemuleey zan.

Jeremias 25:19

Impeinum ku zaan is Faraon he hadì te Ehipto, is menge upisyal zin, menge pengulu wey is langun he menge etew zin,

Jeremias 43:10

Ne zutun, keǥiyi nu sikandan he siak is Nengazen he Mekeǥeǥehem, he Megbevayà te Israel migkaǥi te, ‘Edsuǥuen ku pehengkayi is suluǥuen ku he si Hadì Nebucadnezar he hadì te Babilonia, ne ibpelastar ku is pinuuwè din te kedhadì kayi te menge vatu he impeleveng ku ne ibpelastar zin is tulda zin he tulda te hadì diyà te zivavew kayi.

Jeremias 43:8

Diyà te Tapanhes, migkaǥi is Nengazen diyà te ki Jeremias te,

Jeremias 44:30

Ibeǥey ku si Faraon Hofra he hadì te Ehipto te menge kuntada zin he egkesuat he edhimatey kandin, iring te kebeǥaya ku ki Hadì Zedekia he hadì te Juda ziyà te kuntada zin he si Hadì Nebucadnezar he hadì te Babilonia he egkesuat he edhimatey kandin.’ ”

Ezekiel 4:1

Migkeǥiyan a te Nengazen te, “Guntaan, sikew is etew, kuwa ka te brik, ne isavuk nu ziyà te etuvangan nu, ne druwinga nu zuen is inged he Jerusalem.

Hoseas 12:10

“Nekidlalag a te menge ebpeneuven ne zuen mahabet he impelewasan ku kandan. Pinaaǥi kandan mibpetizeenan ku sikiyu he egkezeetan kew.

Nahum 3:14

Sigi, pengendami niw is kebpekeuma te menge kuntada niw. Sekezu kew su wey niw zuen meinum. Lig-eni niw pa is menge verengbeng he nekeliǥuy te inged niw; baal kew te menge brik ne purungi niw heini he menge verengbeng.