Jeremias 43:7 - Manobo Western Bukidnon OT

⁷ Wazè dan pezumdumahi is Nengazen. Ne midhendiyè dan te Ehipto, ne nekeuma zan diyà te inged he Tapanhes.

Jeremias 43:7 ပူးပေါင်းရင်းမြစ်များ

2 Hadì 25:26

Ne tenged kayi, nemelaǥuy pehendiyà te Ehipto is langun he menge etew zutun puun te pinekelavew pehendiyà te kineminusan, ragkes en is menge upisyal wey menge sundaru, su nahandek dan he kela ke mebpenimales is menge tig-Babilonia.

2 Cronica 25:16

Dutun te kemulu pa egkaǥi haazà is ebpeneuven, ne midtavak haazà is hadì te, “Maan is edsembaǥan a kenikew? Midhimu ku ve sikew he peresambag? Mebpereremek ka, emun kenè ka egkesuat he ebpatey.” Umbe, mibpereremek haazà is ebpeneuven hein nekepasad sikandin he egkaǥi kayi: “Siguradu he edèdeetan ka te Megbevayà tenged te mid-azap nu is duma he menge ed-ezapen ne wazè ka mebpemineg kedì.”

Isaias 30:2

Midhendiyà sikandan te Ehipto su ebpelavan dan te hadì, ne wazè en sikandan mebpekisambag kedì.

Isaias 30:4

Su minsan pa te nekeuma ziyà te Zoan wey Hanes is gehem te hadì te Ehipto,

Jeremias 2:16

Is menge tig-Memfis wey tig-Tapanhes is midezaat kayi.

Jeremias 41:17

midhendiyà sikandan te Gerut Kimhan he uvey te Betlehem, ne zutun nengandam sikandan te kedhendiyà te Ehipto.

Jeremias 42:21

Ne ǥuntaan migkaǥi ku en is langun he migkaǥi te Nengazen he Megbevayè niw, piru wazè niw ǥihapun heini tumana.

Jeremias 44:1

Migkeǥiyan te Nengazen is menge Israilihanen diyà te Ehipto he ziyà med-ubpà te zizaya he vahin te Ehipto he iyan is menge inged diyà te Migdol, Tapanhes, wey Memfis, ragkes daan is diyà te zivavà he vahin te Ehipto.

Jeremias 44:24

Mid-umanan pa keǥiyi ni Jeremias is langun he menge etew zutun, ragkes is menge vahi te, “Sikiyu is menge etew ziyà te Juda he kayi ed-ubpà te Ehipto, pemineǥa niw is lalag te Nengazen.

Jeremias 46:14

“Jeremias, tudtula nu heini ziyà te Ehipto, Migdol, Memfis, wey Tapanhes: Pengandam kew su naandam en is ispada he idezaat keniyu.

Ezekiel 30:18

Emun edèdeetan ku en is gehem te Ehipto egkehimu heeyan he merusirem he andew para te menge tig-Tapanhes. Egkeawè en is impehivantug he ǥehem te Ehipto. Egkeselikuvungan is Ehipto te kivel, ne ebihaǥen is menge meǥinged diyà te menge inged kayi.