Jeremias 43:6 - Manobo Western Bukidnon OT

⁶ Ragkes en kayi is menge maama, menge vahi, menge vatà, wey sikan is menge anak he vahi ni Hadì Zedekia he insarig ni Nebuzaradan he pengulu te menge vantey ziyà te ki Gedalia he anak ni Ahikam wey apù ni Shafan. Miduma zan daan is ebpeneuven he si Jeremias wey si Baruc he anak ni Neria.

Jeremias 43:6 ပူးပေါင်းရင်းမြစ်များ

Jeremias 38:22

Is langun he menge vahi he nesamà diyà te turuǥan nu ed-uwiten te menge upisyal te hadì te Babilonia. Heini he menge vahi, egkaǥi sikandan diyà te kenikew te, ‘Midtuntu ke zà te utew nu menge emiǥu. Guntaan te nekeleveng en diyà te basak is menge paa nu, ne mid-ewaan ke zan.’

Jeremias 39:10

Piru intaǥak ni Nebuzaradan diyà te Juda is nepipira he pubri he menge etew he wazè dan menge tanà, ne mibeǥayan dan te menge pemuleey te paras wey menge vevesukà dutun he andew.

Jeremias 40:11

Nezineg daan te menge Judio he nemelaǥuy ziyà te Moab, Ammon, Edom, wey zuma pa he menge nasyun he intuǥut ni Hadì Nebucadnezar he zuen egketaǥak he menge etew ziyà te Juda ne iyan midhimu si Gedalia he anak ni Ahikam wey apù ni Shafan he pengulu kayi he menge etew.

Jeremias 40:7

Duen nepipira he menge upisyal wey menge sundaru te Juda he ziyà te menge unayan he wazà medsurindir te Babilonia. Netudtulan sikandan he midhimu te hadì te Babilonia si Gedalia he gubirnedur te Juda ne iyan sikandin midumala te pubri he menge etew, he wazà bihaǥa ziyà te Babilonia.

Jeremias 41:10

Mibihag ni Ishmael is nesamà he menge etew ziyà te Mizpa–is menge anak he vahi ni hadì Zedekia wey is menge etew he insarig ni Nebuzaradan ki Gedalia wey zin meetiman. Ne midlikù si Ishmael ziyà te Ammon duma te menge vihag din.

Jeremias 43:3

Si Baruc he anak ni Neria migkeǥiyan ke zin he iveǥey key kenikew ziyà te menge tig-Babilonia, para penhimetayi key zan etawa vihaǥa key zan diyà te Babilonia.”

Jeremias 45:1

Hein ikeepat he tuig te kedhadì ni Jehoyakim diyà te Juda he anak ni Josia, insurat ni Baruc is indikta kandin ni Jeremias.

Jeremias 52:10

Diyà te Ribla, midhimetayan te hadì te Babilonia is menge anak he maama ni Zedekia ziyà mismu te etuvangan ni Zedekia. Midhimetayan daan is langun he menge upisyal te Juda.

Penhulùhulù 3:1

Sevaha a te nekesaǥad te kedsilut te Nengazen tenged te kegkepauk din.