Jeremias 42:3 - Manobo Western Bukidnon OT

³ Pengemuyù ka ziyà te Nengazen he Megbevayè nu he ipezayag din kenami ke hendei key ebpevayà wey ke hengkey is ereg he ebeelan dey.”

Jeremias 42:3 ပူးပေါင်းရင်းမြစ်များ

1 Hadì 8:36

ne pemineǥa nu sikandan diyan te langit. Peseyluwa nu sikandan is menge suluǥuen nu he menge etew nu he Israilihanen. Penurua nu sikandan te metazeng he kebpengungubpaan, ne peuzani nu is tanà he imbeǥey nu kandan he egkaangken dan.

Ezra 8:21

Hein diyè key te veyvey te Wahig he Ahava, migkeǥiyan ku is menge zuma ku zutun te grupu zey te ebpuasa key wey ebpekevevaan dey is keugelingen dey ziyà te etuvangan te Megbevayè dey su edhangyù key ziyà te kandin he ventayi key zin dutun te hipenawan dey, ragkes is menge anak dey wey menge azen dey.

Salmo 27:11

Impenurù nu kedì is kenikew he menge paaǥi. Ne ziyà a kenikew ipeikul te hustu he zalan, su zuen ku menge kuntada.

Salmo 86:11

Penurua a Nengazen te paaǥi nu, ne edtumanen ku heini te kenà duwazuwa. Tevangi a he mehimu he utew hustu is kedtehuza ku kenikew.

Erubasa 3:6

Minsan hengkey is ed-ul-ulahan nu ne isipa nu is Nengazen, ne iyan sikandin metau wey nu iyan meikul is metandang he zalan.

Isaias 2:3

Egkaǥi sikandan te, “Hendini kew en, su edtekezeg kiw ziyà te vuntud te Nengazen, diyà te valey te Megbevayà ni Jacob. Su ebpenuruen kiw zin te menge paaǥi zin su wey tew metuman heini.” Umbe, ed-ulì is menge etew he ebpuun diyà te Zion, he iyan is inged he Jerusalem, ne ed-uwiten dan is kesuǥuan te Nengazen.

Jeremias 6:16

Ne heini pa is migkaǥi te Nengazen: “Hitindeg kew ziyà te lembaǥan te menge zalan ne purung kew pekisusi. Insè kew ke hendei is kezaan wey meupiya he zalan he meupiya he ed-ikulen, ne zutun kew ikul. Emun ed-ul-ulahan niw heini ne ebpekaangken kew te kelinew. Piru migkaǥi kew te, ‘Kenè key mulà keniyan ed-ikul.’

Micas 4:2

Ke sikandan te, “Hendini kew en, su edtekezeg kiw ziyà te vuntud te Nengazen, diyà te valey te Megbevayà ni Jacob. Su ebpenuruen kiw zin te menge paaǥi zin su wey tew metuman heini.” Umbe, ed-ulì is menge etew he ebpuun diyà te Zion, he iyan is inged he Jerusalem, ne ed-uwiten dan is kesuǥuan te Nengazen.

Deuteronomio 5:26

Duen be etew he egkeuyag minsan nezineg din is laǥeng te uuyag he Megbevayà he ebpuun te hapuy iring te nezineg tew?

Deuteronomio 5:29

Ne zeyzey ke layun dan edtahud kedì wey edtumanen dan is menge suǥù ku su para mebmeupiya is kebpekesavuk dan wey te menge kevuwazan dan te taman te taman.