Jeremias 42:22 - Manobo Western Bukidnon OT

²² Umbe, egkeǥiyen ku keniyu he siguradu he ebpematey kew te tebek, bitil, wey zaru diyà te Ehipto, he iyan egkesuatan niw te ed-ubpa.”

Jeremias 42:22 ပူးပေါင်းရင်းမြစ်များ

Isaias 30:3

Piru egkepeel-elezan dà sikandan dutun te kebpelavan dan te hadì te Ehipto.

Jeremias 24:10

Ibpaaǥi ku ziyà te kandan is tebek, bitil, wey menge zaru taman te egkaamin ebpematey sikandan keniyan te tanà he imbeǥey ku kandan wey te menge kepuun dan.”

Jeremias 42:17

Uya, is langun he egkesuat he ed-ubpà diyà te Ehipto ebpatey te tebek, bitil, wey zaru. Wazà minsan hentei kandan he egkelibri etawa ebpekelingkawas te kezeetan he ibpeseǥazan ku kandan.’

Jeremias 43:11

Edsurungen din is Ehipto ne ebpematey is imbanglis kandan is kebpatey pinaaǥi te kezeetan, ne ebihaǥen is imbanglis kandan is ebihaǥen, wey ebpematey pinaaǥi te espada is imbanglis kandan is kebpatey pinaaǥi te tebek.

Jeremias 44:12

Sikiyu is menge tig-Juda he nesamà he uuyag he migaanggaan medhengkayi su wey mekeubpà kayi te Ehipto. Ebpatey kew is langun puun te kinemevevaan pehendiyà te kinetikangan is ked-etew zin. Uya, ebpematey kew kayi pinaaǥi te tebek wey vitil kayi te Ehipto. Edrewakan kew wey egkelimezangan is menge etew tenged keniyu. Ed-un-undahan kew zan wey edsudien.

Ezekiel 33:27

Iyan a, is uuyag he Nengazen he MEGBEVAYÀ, nenangdù he siguradu he ebpemematey te tebek sikan is nengesamà he uuyag duen te nerundus he inged. Is menge nengesamà he uuyag diyà te menge vevesukà edewiyen te zumezaas he menge langgam, ne is duma kandan he ziyà te menge elesà wey menge surung ebpematey te zaru.

Ezekiel 6:11

Ne migkaǥi is Nengazen he MEGBEVAYÀ kayi te kedì te, “Sumbaǥa nu is palad nu, padewpadew ka, ne pemensag ka te, ‘Hanu ve!’ te kebpaahaa nu te kegkeseeng wey kegkepauk nu te menge etew te Israel, tenged te langun he mezaat wey utew mahawag he menge ulaula zan. Iyan heini hinungdan te kebpematey zan pinaaǥi te tebek, bitil, wey zaru.

Ezekiel 6:12

Is diyà te meziyù ebpatey te zaru. Is diyà te uvey ebpatey te tebek. Ne is egkesamà ebpatey te vitil. Pinaaǥi kayi igkevuswang ku is rerangit ku.

Hoseas 9:6

Minsan egkepeleǥuyan niw is kezeetan, edtiǥumen kew gihapun diyà te Ehipto ne idleveng kew ziyà te Memfis. Egketembuan dà te sagbet wey zuǥiyen he dezeisey he kayu is mahalen he menge gelemiten niw he pelata wey is menge tulda niw.