Jeremias 41:7 - Manobo Western Bukidnon OT

⁷ Ne hein nekeuma zan diyà te inged, is duma kandan mibpenhimetayan ni Ishmael wey zuen te menge zuma zin. Ne kegkeipus dutun, impen-ulug dan is nemematey ziyà te vudsi he punduwà te wahig.

Jeremias 41:7 ပူးပေါင်းရင်းမြစ်များ

2 Hadì 15:25

Dutun he timpu, mibpelanu te mezaat si Peka he anak ni Remalia ziyà te ki Pekaya. Heini si Peka iyan peremandar te menge sundaru ni Pekaya. Duma te 50 he menge etew ziyà te Gilead, midhimetayan ni Peka si Pekaya ragkes si Argob wey si Arie, diyà te melig-en he vahin te turuǥan diyà te Samaria. Ne iyan sikandin mid-ilis ki Pekaya te kedhadì.

Salmo 55:23

Piru is menge teremunù wey menge limbungan idtimbag din diyà te mezalem he lugar te menge minatey, dutun te kenè pa sikandan edliwezeenan. Piru siak mulà, edsarig a te Megbevayà.

Erubasa 1:16

Su utew sikandan meǥaan he ebaal te mezaat wey ebunù te etew.

Isaias 14:19

Iyan, sikew mulà, kenè ka idleveng diyà te penlevengè nu, kekenà, idtimbag dà is lawa nu iring te subpang he wazè din pulus. Iyan idtambun kenikew is menge lawa te nemematey he menge sundaru tenged te tebek, ne id-ulug ka zuma kandan diyà te vudsi ne edtembakan te menge vatu. Egkeiring ka te minatey he edtekutakan dà.

Isaias 59:7

Elistu kew he ebaal te salà ne abtik kew he edhimatey te wazà mekesalà. Mezaat is menge ed-is-isipen niw, ne minsan hendei kew ebpevayà ne ebpendezaat kew.

Ezekiel 22:27

Is menge upisyal zan iring te zumezaas he menge asu he ebpitaspitas te egkezawi zan. Edhimatey zan para zà mekeselapì sikandan.