Jeremias 40:8 - Manobo Western Bukidnon OT

⁸ Umbe, midhendiyè dan te ki Gedalia ziyà te Mizpa. Heini he menge upisyal iyan ensi Ishmael he anak ni Netania, si Johanan wey si Jonatan he anak ni Karea, si Seraya he anak ni Tanhumet, is menge anak he maama ni Efai he tig-Netofa, wey si Jaazania he anak te tig-Maaca. Miduma zaan kandan is menge sakup dan.

Jeremias 40:8 ပူးပေါင်းရင်းမြစ်များ

2 Samuel 10:6

Neisip-isip dutun te menge Amunihanen he egkepeukan dan ni David. Umbe midsuhulan dan is 20,000 he Aramihanen he menge sundaru he tig-Bet Rehob wey tig-Zoba, 1,000 he sundaru he ebpuun te hadì te Maaca, wey 12,000 he sundaru he ebpuun te Tob.

2 Samuel 10:8

Mibpelastar en is menge Amunihanen diyà te pultahan te inged dan para te kebpekidtebek, ne is menge Aramihanen he tig-Zoba wey tig-Rehob wey is menge sundaru he tig-Tob wey tig-Maaca ne mibpelastar zan en daan diyà te menge suǥud.

2 Samuel 23:34

si Elifilet he anak ni Ahasbai he tig-Maaca; si Eliam he anak ni Ahitofel he tig-Gilo;

2 Hadì 25:23

Ne hein netudtulan mehitenged kayi is menge upisyal ziyà te Juda wey is menge etew zan, ne midhendiyè dan te ki Gedalia ziyà te Mizpa. Iyan sikandan si Ishmael he anak ni Netania, si Johanan he anak ni Karea, si Seraya he anak ni Tanhumet he tig-Netofa, si Jaazania he tig-Maaca, wey is menge etew zan.

2 Hadì 25:25

Piru hein ikepitu he vulan dutun he tuig, si Ishmael he anak ni Netania wey apù ni Elishama, he sakup te lavew he pemilya, midhendiyà te Mizpa zuma te sepulù he etew ne midhimetayan dan si Gedalia wey is menge zuma zin he menge tig-Juda wey menge tig-Babilonia.

1 Cronica 11:30

si Maharai he tig-Netofa, si Heled he anak ni Baanah he tig-Netofa,

1 Cronica 2:48

Ne is sevaha pa maan he esawa ni Caleb, ne iyan si Maaca. Duen menge anak dan he menge maama he iyan si Sheber, Tirhana,

1 Cronica 2:54

Is menge kevuwazan ni Salma, ne iyan is menge tig-Betlehem, is menge tig-Netofa, is menge tig-Atrot Bet Joab, is ketengà te Manahatnen, is menge Zurhanen,

Ezra 2:2

Is nengulu kandan dutun te ked-ulì dan, iyan ensi Zerubabel, Jeshua, Nehemias, Seraya, Reeleya, Mordecai, Bilshan, Mispar, Bigvai, Rehum, wey si Baanah. Iyan heini listahan te menge etew te Israel he nemen-ulì puun te kegkevihaǥa kandan:

Nehemias 7:26

Iyan heini kahabet te menge etew he ziyà med-ubpà is menge kepuun dan te: Betlehem wey Netofa; 188 Anatot; 128 Bet Azmavet; 42 Kiriat Jearim, Kefira, wey Beerot; 743 Rama wey Geba; 621 Micmash; 122 Betel wey Ai; 123 Nebo; 52 Elam; 1,254 Harim; 320 Jerico; 345 Lod, Hadid, wey Ono; 721 Senaa; 3,930

Jeremias 37:15

Utew nepauk is menge upisyal ki Jeremias. Impevuǥel zan wey mibpirisu zan diyà te valey ni Jonatan he sikritaryu. Su haazà he valey midhimu zan he pirisuwan.

Jeremias 37:20

Mahal he Hadì, emun egkehimu ne pemineǥa a kenikew. Edhangyù a ziyà te kenikew he kenà ad kenikew ilikù diyà te valey ni Jonatan he sikritaryu su ebpatey a emun diyà a.”

Jeremias 38:26

Kegiyi nu sikandan te, ‘Mibpehizuhizu a te hadì he kenà ad ilikù diyà te valey ni Jonatan su ebpatey a zutun.’ ”

Jeremias 40:11

Nezineg daan te menge Judio he nemelaǥuy ziyà te Moab, Ammon, Edom, wey zuma pa he menge nasyun he intuǥut ni Hadì Nebucadnezar he zuen egketaǥak he menge etew ziyà te Juda ne iyan midhimu si Gedalia he anak ni Ahikam wey apù ni Shafan he pengulu kayi he menge etew.

Jeremias 40:13

Ne zutun si Jonatan he anak ni Karea wey is duma pa he menge upisyal te menge sundaru he wazà medsurindir te Babilonia, midhendiyà te ki Gedalia ziyà te Mizpa

Jeremias 40:14

ne ke sikandan te, “Wazè nu ve metueni he si Hadì Baalis he hadì te Ammon midsuǥù din si Ishmael he anak ni Netania te kedhimatey kenikew?” Piru wazà medtuu si Gedalia kandan.

Jeremias 40:15

Ne hein neipus haazà, nekidhinguma si Johanan ki Gedalia te meeles ne ke sikandin te, “Edhimetayan ku si Ishmael te meeles. Su kenà meupiya ke ebey-anan dà sikandin is edhimatey kenikew. Su egkehimu heini he hinungdan te kebpekepeyapat wey kegkengetazin te menge Judio he nesamà kayi te Juda he midumala nu.”

Jeremias 40:6

Umbe, midhendiyà si Jeremias te ki Gedalia ziyà te Mizpa, ne mid-ubpà sikandin dutun duma te menge etew he nesamà diyà te Juda.

Jeremias 41:1

Heini si Ishmael anak ni Netania wey apù ni Elishama. Nesakup sikandin te lavew he pemilya ne sevaha sikandin duen te menge upisyal te hadì dutun te nehuna he timpu. Ne hein ikepitu he vulan dutun he tuig, midhendiyà si Ishmael te ki Gedalia diyà te Mizpa duma te sepulù he etew. Ne zutun te egkaan sikandan,

Jeremias 41:11

Ne nezineg ni Johanan he anak ni Karea wey zuen te zuma zin he menge upisyal te menge sundaru is kebpenhimatey ni Ishmael.

Jeremias 41:2

midhitindeg si Ishmael wey sikan is sepulù he etew, ne midhimetayan dan si Gedalia pinaaǥi te ispada. Umbe mibpatey sikan is midhimu te hadì te Babilonia he gubirnedur ziyà te Juda.

Jeremias 42:1

Ne, mid-uvey ziyà te ki Jeremias si Johanan he anak ni Karea, si Jezaria he anak ni Hoshaya, wey is menge zuma zin he upisyal te menge sundaru, ragkes is langun he menge etew zutun puun te kinemevevaan pehendiyà te kinetikangan is ked-etew zin.

Jeremias 42:8

Umbe, impetiǥum ni Jeremias ensi Johanan duma te langun he menge zuma zin he menge upisyal te menge sundaru, ragkes en is langun he menge etew zutun puun te kinemevevaan pehendiyà te kinetikangan is ked-etew zin.

Jeremias 43:2

migkeǥiyan sikandin ni Azaria he anak ni Hoshaya, ni Johanan he anak ni Karea, wey te zuma pa he gelbuwen he menge etew te, “Midtarùtarù ka! Is Nengazen he Megbevayè tew wazà medsuǥù kenikew te kegkaǥi kenami te kenè key medhendiyà te Ehipto te ked-ubpà diyà.

Jeremias 43:5

Kekenà, miduma ni Johanan wey zuen te zuma zin he menge upisyal te menge sundaru is menge etew pehendiyà te Ehipto. Iyan heini sikan is menge etew he nemenlikù he ebpemuun diyà te nekedseselekawà he menge nasyun he zutun sikandan mebpevayà.

Deuteronomio 3:14

Si Jair he kevuwazan ni Manase, iyan nekaangken te tivuuk he Argob he sakup te Bashan taman te dulunà te tanà te menge Gisurhanen wey menge Maakatnen. Heini he lugar migngezanan ni Jair te kandin he ngazan, umbe minsan guntaan kemulu egngezani is Bashan te, ‘Menge Inged ni Jair.’

Josue 12:5

Is nesakup te ginhedian din iyan is Buntud te Hermon, Saleca, is tivuuk he Bashan taman te zulunà te Geshur wey Maaca, wey is ketengà te Gilead taman te zulunà te Heshbon he nesakup te lugar ni hadì Sihon.