Jeremias 40:11 - Manobo Western Bukidnon OT

¹¹ Nezineg daan te menge Judio he nemelaǥuy ziyà te Moab, Ammon, Edom, wey zuma pa he menge nasyun he intuǥut ni Hadì Nebucadnezar he zuen egketaǥak he menge etew ziyà te Juda ne iyan midhimu si Gedalia he anak ni Ahikam wey apù ni Shafan he pengulu kayi he menge etew.

Jeremias 40:11 ပူးပေါင်းရင်းမြစ်များ

Genesis 36:8

Umbe, si Esau (he egngenazan daan ki Edom) diyà med-ubpà te menge vuvungan he Seir.

Isaias 11:14

Edsevaha sikandan te kedsurung te menge Filistihanen diyè dapit te edsenlepan. Edsurungen dan daan is menge nasyun diyà te edsilaan ne edtevanen dan is menge azen kayi. Edsekupen dan is Edom wey Moab, ne is menge Amunihanen ebpesakup daan kandan.

Isaias 16:4

Ipeubpè key is menge tig-Moab diyà te tanè niw. Pengelangi key keniyu te egkesuat he edezaat kenami.” Egkeengked is kebpendaagdaag wey kebpendezaat. Egkaawè en is ebpendaagdaag diyà te tanà he Israel.

Jeremias 24:9

Edhimuwen ku he ebpendemisan sikandan diyà te langun he ginhedian kayi te kelibutan. Edsudien sikandan wey ed-un-undahan wey ebpenrewakan diyà te langun he lugar he edsegseǥan ku kandan.

Jeremias 41:10

Mibihag ni Ishmael is nesamà he menge etew ziyà te Mizpa–is menge anak he vahi ni hadì Zedekia wey is menge etew he insarig ni Nebuzaradan ki Gedalia wey zin meetiman. Ne midlikù si Ishmael ziyà te Ammon duma te menge vihag din.

Jeremias 43:5

Kekenà, miduma ni Johanan wey zuen te zuma zin he menge upisyal te menge sundaru is menge etew pehendiyà te Ehipto. Iyan heini sikan is menge etew he nemenlikù he ebpemuun diyà te nekedseselekawà he menge nasyun he zutun sikandan mebpevayà.

Jeremias 43:6

Ragkes en kayi is menge maama, menge vahi, menge vatà, wey sikan is menge anak he vahi ni Hadì Zedekia he insarig ni Nebuzaradan he pengulu te menge vantey ziyà te ki Gedalia he anak ni Ahikam wey apù ni Shafan. Miduma zan daan is ebpeneuven he si Jeremias wey si Baruc he anak ni Neria.

Jeremias 9:26

is menge tig-Ehipto, tig-Juda, tig-Edom, tig-Amon, tig-Moab wey is langun he ebpemen-ubpà diyà te sibsivayan he mibpen-elutan is dapit te kendingen dan. Iyan tutuu is, heini is langun he meǥinged diyà te menge nasyun, ragkes en is langun he menge etew ziyà te Israel, henduen be te neked-iring dà he wazà menge sirkunsidar su meremerik is netaǥù diyà te gehinawa zan.”

Ezekiel 25:12

Migkaǥi is Nengazen he MEGBEVAYÀ te, “Nenimales is menge tig-Edom te menge tig-Juda, ne tenged kayi nekesalà is menge tig-Edom.

Ezekiel 25:2

“Sikew is etew, sinaru ka ziyà te Ammon ne keǥiya nu is menge lalag he ebpekesuǥat kayi he lugar.

Ezekiel 25:6

“Iyan a, is Nengazen he MEGBEVAYÀ migkaǥi te, ‘Geina te mibpelakpak kew wey midlinglingketew kew tenged te kegkelipey niw zutun te kedsudia niw te Israel,

Ezekiel 25:8

Migkaǥi is Nengazen he MEGBEVAYÀ te, “Is Moab he migngezanan daan te Seir, egkaǥi is menge meǥinged duen te iring dà daan is Juda te zuma he menge nasyun.

Ezekiel 34:6

Netazintazin is menge kerehidu ku ziyà te menge vuntud wey menge vuvungan. Nekepeyapat sikandan kayi te tivuuk he kelibutan, ne wazè en iyan nen-ahà kandan.

Ezekiel 35:15

su geina te ingkelipey niw hein nehimu he mekevulungbulung is tanà he mibpepengevilin te menge Israilihanen. Umbe iyan daan heeyan egkehitavù keniyu; egkehimu he mekevulungbulung is Buntud he Seir wey is tivuuk he Edom. Ne zutun egketuenan niw he iyan a Nengazen.”

Ezekiel 35:5

Neuǥet en is kedumuti niw te menge tig-Israel, ne midsurung niw sikandan dutun te timpu te kelised dan, su timpu haazà te kedsiluti kandan tenged te menge salè dan.

Ezekiel 5:12

Ebehinen ku sikiyu te tetelu he vahin. Is egkehuna he vahin ebpematey keniyan te inged pinaaǥi te vitil wey menge zaru. Is ikezuwa he vahin ebpematey pinaaǥi te ispada ziyà te ǥawas keniyan te inged. Ne is iketelu he vahin ibpeyapat ku kayi te tivuuk he kelibutan ne ibpelaus ku is kedlisliseza ku kandan.

Ezekiel 5:3

Ne samè ka te zeisey he vulvul ne tengesa nu te visti nu.

Numero 22:1

Midlaus medhipanew is menge Israilihanen taman te nekeuma zan diyà te suǥud te Moab. Ne migkampu zan diyà te zapit te edsilaan te Jordan, he etuvangan te Jerico.

Numero 25:1

Dutun te migkampu is menge Israilihanen diyà te Shitim, is menge maama kandan mibpuun mebpekidhilavet te menge vahi he Moabitanhen.

Numero 25:2

Heini is menge vahi mid-iniyat kandan te kedtampu te kebpemuhata zan te menge ed-ezapen dan, ne migkaan haazà is menge maama te impemuhat ne mid-azap dan haazà is menge ed-ezapen.

1 Samuel 11:1

Si Nahash he iyan hadì te menge Amunihanen, midhendiyà te inged he Jabesh Gilead duma is menge sundaru zin ne midlingutan dan su edsurungen dan. Migkaǥi ziyà te kandin is menge meǥinged dutun te, “Baal ka te kesebutan tew, ne ebpesakup key kenikew.”

1 Samuel 12:12

Piru hein edsurungen kew ni Nahash he hadì te menge Amunihanen, mibuyù kew kedì te hadì he edumala keniyu, minsan pa te zuen en Nengazen he iyan Megbevayà, he iyan hadì niw.