Jeremias 4:25 - Manobo Western Bukidnon OT

²⁵ Neehè ku zaan he wazà menge etew, ne is langun he menge tagbis midlayang pehendiyà te meziyù.

Jeremias 4:25 ပူးပေါင်းရင်းမြစ်များ

Jeremias 12:4

Keenu egkeengked is kebmemaza te tanà wey kegkeǥangu te menge sagbet diyà te langun he menge vevesukà? Nemematey is menge langgam wey menge tagbis tenged te kelelalung te menge etew he ed-ubpà keniyan he tanà. Migkaǥi pa sikandan te, “Wazè mebpekilavet is Megbevayà te egkepeveyaan tew.”

Jeremias 9:10

Migkaǥi si Jeremias te: Edlelendag a tenged te menge vuntud; edlalew a tenged te menge penebtavà diyà te sibsivayan. Su egkehimu en heini he mekevulungbulung ne wazè en edsaǥad kayi. Kenè en egkezineg kayi is ked-engà te menge vaka, ne mibpekeziyù en is menge tagbis wey minsan is dumezaas he menge langgam.

Jeremias 9:9

Umbe, ereg he edsilutan ku sikandan. Ereg he ebelesan ku is nasyun he iring kayi.”

Ezekiel 38:20

Ne zutun is langun he menge etew wey is langun he menge langgam: is ebpemenhipanew, is ebpemenlayang, is ebpemenanap, wey is diyà ebpen-ubpà te wahig ebpengerkeren te kegkahandek diyà te etuvangan ku. Egkengetempag is menge vuvungan wey menge kelendiǥan, wey egkengevengkag is menge verengbeng.

Hoseas 4:3

Tenged kayi mibmemaza is tanè niw ne ebpematey is langun he meǥinged duen, ragkes is langun he uyaǥen he edhipanew, edlayang, wey edlayewlayew.