Jeremias 4:21 - Manobo Western Bukidnon OT

²¹ Keenu pa vuwa egkeengked is kegkaahaa ku te bendirà te ebpekidtebek wey is kegkezineǥa ku te zaǥing te vudyung?

Jeremias 4:21 ပူးပေါင်းရင်းမြစ်များ

2 Cronica 35:25

Mibaal si Jeremias te menge penhulùhulù he tedeman para ki Josia, ne taman en guntaan is kegkentaha kayi te menge perekanta. Heini he menge penhulùhulù ne layun egkentaha ziyà te Israel, ne ingkesurat diyà te menge penhulùhulù.

2 Cronica 36:10

Kebpuun te veǥu he tuig mibihag ni Hadì Nebucadnezar si Jehoyakin pehendiyà te Babilonia. Mibpenguwa zin is mahalen he menge azen diyà te valey te Nengazen. Ne is anggam ni Jehoyakin he si Zedekia, midhimu zin he hadì te Juda wey Jerusalem.

2 Cronica 36:17

Impesurung din sikandan te menge tig-Babilonia. Mibpenhimetayan te menge tig-Babilonia is betan-en he menge maama kandan minsan ed-aput pa ziyà te valey te Nengazen. Wazè dan kegkehizu te minsan hentei maama etawa bahi, batà etawa meǥurang, deruwanen etawa kenà. Imbeǥey te Megbevayà is langun he menge etew zin diyà te ki Nebucadnezar.

2 Cronica 36:3

Diyà te huziyan he timpu impeengked sikandin te kedhadì te hadì diyà te Ehipto he si Neco, ne impevayad ni Neco te vuhis is menge tig-Juda te menge 3,000 he kilu he pelata wey 35 he kilu he vulawan.

Jeremias 4:19

Kenè ku en egkaantus is kegkeseeng ku; utew subra is kebpekezag-es ku. Henduen be te ebpemevayu is kumeng ku tenged te kekulbà ne kenà a ebpeketeren. Su nezineg ku is daǥing te vudyung ne nezineg ku zaan is kulehian te ebpekidtebek.

Jeremias 4:20

Ebpekedtitinundug dà is menge kezeetan. Ne nevengkag is tivuuk he tanà. Minsan is menge tulda he ubpeey ku, segugunè dà neregdas.

Jeremias 4:22

Migkaǥi is Nengazen te, “Tulebung is menge etew ku; wazè e zan mekilala. Iring sikandan te engey he menge vatà he kenà ebpekesavut. Utew zan metau he ebaal te mezaat, ne kenè dan mulà egketau he ebaal te meupiya.”

Jeremias 42:14

Edhendiyè key te Ehipto ne ziyè key ed-ubpà su wazà diyà tebek wey vitil.’

Jeremias 6:1

“Pelaǥuy kew wey med-eles is menge kevuwazan ni Benjamin! Gawas kew ziyà te Jerusalem! Ipezaǥing niw is budyung diyà te Tekoa ne uyawi niw is Bet Hakerem. Su ebpekeuma is dekelà he kezeetan he ebpuun diyà te zizaya.