Jeremias 4:19 - Manobo Western Bukidnon OT

¹⁹ Kenè ku en egkaantus is kegkeseeng ku; utew subra is kebpekezag-es ku. Henduen be te ebpemevayu is kumeng ku tenged te kekulbà ne kenà a ebpeketeren. Su nezineg ku is daǥing te vudyung ne nezineg ku zaan is kulehian te ebpekidtebek.

Jeremias 4:19 ပူးပေါင်းရင်းမြစ်များ

Genesis 49:6

Kenà a edtampu etawa edtelavuk te menge kevurunan niw su tenged te kegkepauk niw ne ebpenhimetayan niw is menge etew, ne emun meupiya is gehinawa niw ne ebpiangan niw is menge vaka.

2 Hadì 4:19

Netekewtekew is amey zin te midhabet sikandin megkaǥi te, “Amà, mesakit is ulu ku! Mesakit is ulu ku!” Ne migkeǥiyan te amey zin is suluǥuen din te, “Uwita nu ziyà te iney zin.”

2 Hadì 8:11

Ne mibpemusiǥahan ni Elisha si Hazael taman te neeled heini. Ne midsineǥew si Elisha.

Salmo 103:1

Ereg he edeliǥen ku is Nengazen. Edeliǥen ku is kegkewaǥas din seled te tivuuk he untung ku.

Salmo 116:7

Ereg a he kenà egkeǥiyaǥiya, su utew a ebpurungi te Nengazen,

Salmo 119:136

Nekepurung a mekesineǥew su ǥeina te wazà medtuman is menge etew te kesuǥuan nu.

Salmo 119:53

Dekelà is pauk ku, tenged te menge lalung he mid-iniyug te kesuǥuan nu.

Salmo 146:1

Deliǥa is Nengazen! Ereg he edeliǥen ku is Nengazen.

Salmo 16:2

Iyan ka Nengazen ku, diyè dà ebpuun te kenikew is langun he menge meupiya he nezawat ku.

Isaias 15:5

Ingkeseeng ku is menge tig-Moab. Mibpelaǥuy is menge etew zutun pehendiyà te Zoar wey Eglat Shelishiya. Midsineǥew sikandan is edtekezeg diyà te Luhit. Is duma kandan nemen-eerang dutun te kedhendiyè dan te Horonaim, tenged te nehitavù kandan.

Isaias 16:11

Umbe, neiring is gehinawa ku te mekevulungbulung he zaǥing te alpa su ingkeseeng ku is nehitavù diyà te Moab. Ingkeseeng ku zaan is nehitavù te Kir Hareset.

Isaias 21:3

Migkerker a wey mibmesakit is lawa ku tenged te neehè ku wey nezineg ku pinaaǥi te kebpekelawas ku, nesekitan a iring te vahi he ebeliliten.

Isaias 21:4

Nekehuyabhuyab is kumeng ku su egkerkeren a tenged te kegkahandek ku. Kenà a ebpekehimeley ke mezukilem, tenged te kegkulbai kedì.

Isaias 22:4

Guntaan, bey-ani ad keniyu ke edsineǥawan ku is menge siringan ku he nemematey. Kenà ad keniyu lengana.

Jeremias 13:17

Emun kenè kew pa edtuu, ne edsineǥew a te meeles tenged te utew niw kebpelavew. Edsineǥew a te kenà alang-alang he edtudà is menge luhè ku, su ebihaǥen man is menge etew te Nengazen.

Jeremias 20:9

Usahay ebpekekaǥi a te kenà ad egkaǥi mehitenged kenikew wey ebpenudtul te menge lalag nu. Piru kenè ku egkeeǥen, su is menge lalag nu henduen be te hapuy he egkeregreg diyà te gehinawa ku wey menge tulan ku. Neveley a te ked-eǥen kayi para kenè ku pezem mekaǥi.

Jeremias 23:9

Henduen be te egkaawè en is gehinawa ku tenged te teruen he menge ebpeneuven. Mibpengerker is menge tulan ku, ne henduen be te nelangut a tenged te kegkesegradu te menge lalag he migkaǥi te Nengazen he ebpekesuǥat kandan.

Jeremias 4:21

Keenu pa vuwa egkeengked is kegkaahaa ku te bendirà te ebpekidtebek wey is kegkezineǥa ku te zaǥing te vudyung?

Jeremias 4:5

“Keǥiyi is menge tig-Juda wey menge tig-Jerusalem he ipezaǥing dan is budyung diyà te tivuuk he tanà. Ne kulehia zan te mezaǥing is menge etew he mebpelaǥuy zan wey med-eles diyà te menge inged he neliǥuy te menge verengbeng.

Jeremias 42:14

Edhendiyè key te Ehipto ne ziyè key ed-ubpà su wazà diyà tebek wey vitil.’

Jeremias 49:2

Siak, is Nengazen, migkaǥi a te egkeuma is timpu he ibpesurung ku te menge kuntada niw is Raba. Ebengkaǥen dan heini is dekelà he inged niw ne ebinsulan dan is dezeisey he menge inged diyà te peliǥuy zin. Pinaaǥi kayi egkesegseg te menge Israilihanen is menge midsegseg kandan.

Jeremias 50:22

Egkezineg is kulehian diyà te tebek wey is keǥurub te kegkepurung kegkezeeti te tivuuk he tanà.

Jeremias 6:24

Mahabet is nezineg dey he tudtul mehitenged kandan ne midluyahan key. Kegkehandek wey kesakit te gehinawa is neǥezam dey iring te kegkesekiti te vahi he ebeliliten.

Jeremias 8:18

Ne migkaǥi si Jeremias te: Kenà egkaawà is kegkeseeng ku. Utew mesakit is gehinawa ku.

Jeremias 8:21

Migkaǥi si Jeremias te, “Utew mesakit is gehinawa ku. Ingkesekiti ku is utew kegkerasey te menge emurè ku te inged. Midlalew a wey utew a neseeng.

Jeremias 9:1

“Angin pezem ke serebseb te menge luhà is menge mata ku su edsineǥew e en te maandew wey mezukilem tenged te menge emurè ku te inged he mibpenhimetayan.

Jeremias 9:10

Migkaǥi si Jeremias te: Edlelendag a tenged te menge vuntud; edlalew a tenged te menge penebtavà diyà te sibsivayan. Su egkehimu en heini he mekevulungbulung ne wazè en edsaǥad kayi. Kenè en egkezineg kayi is ked-engà te menge vaka, ne mibpekeziyù en is menge tagbis wey minsan is dumezaas he menge langgam.

Penhulùhulù 1:16

Ne tenged keniyan nemeniǥis is menge luhè ku te kedsineǥew ku. Ne wazà midlangan wey midlig-en kedì. Mekehizuhizu is menge meǥinged kayi su nezaag sikandan te menge kuntada zan.”

Penhulùhulù 1:20

“Nengazen, ahàa nu ke sengemenu kezekelà is kegkeseeng ku! Utew heini merasey he henduen be te egkevidtew en is gehinawa ku su geina te nehimu a he mesinupaken kenikew. Duen kebpemenhimatey ziyà te menge zalan ku, ne minsan diyà te seled te valey ne zuen ebpematey.

Penhulùhulù 2:11

Nemenlevag en is menge mata ku tenged te kedtulung ku kedsineǥew. Utew mibmesakit is gehinawa ku. Henduen be te egketevì en is kumeng ku tenged te kegkezeeti te zuma ku he menge meǥinged. Egkengevidtawan diyà te menge zalan te inged is dezekelà en wey menge peririǥè pa he menge vatà.

Daniel 4:19

Neipeng wey nahandek si Daniel (he egngenazan daan te Belteshazar) te kegkezineǥa zin dutun te lalag te hadì. Umbe migkeǥiyan sikandin dutun te hadì te, “Belteshazar, kenè ka meipeng tenged te teǥeinep ku wey kehuluǥan din.” Ne midtavak si Belteshazar te, “Mahal he Hadì, meupiya pezem ke is teǥeinep nu wey is kehuluǥen din, ne ziyà egkehitavù te menge kuntada nu ne kenà diyà te kenikew.

Daniel 7:15

Ne nesemukan a he ed-isip-isip dutun te neehè ku.

Daniel 7:28

“Iyan heeyan teǥeinep ku. Ingkeherati ku heini ne mibmemeluntak a te kegkulbai ku. Iyan, wazà ku heini tudtula ziyà te minsan hentei.”

Daniel 8:27

Ne kegkepasad kayi, siak si Daniel, midluyahan a wey nezeruwan a te nepipira he andew. Ne kegkeulii kedì, midlikuan ku te edterebahu is insarig kedì te hadì. Piru kemulu a egkeliveǥi zuen te nelewasan ku. Mereǥen heini he edsevutan.

Amos 3:6

Kenè be egkerkeren te kegkahandek is menge etew emun edaǥing is menge vudyung te kebpesayud he zuen menge kuntada he edsurung? Emun egkeumahan te kezeetan is inged kenè be ketau te Nengazen is kebpekeuma zutun?

Habakuk 3:16

Migkaǥi si Habakuk te, “Hein nezineg ku is impahayag te Nengazen kayi te kedì, migkerker is tivuuk he lawa ku ragkes en is bivig ku tenged te kegkahandek ku. Midluyahan a ne migkerker is menge paa ku. Ne tenged kayi te impahayag te Nengazen, ne kenà a edarà is edtaǥad te timpu te kedsiluti zin te menge midsurung kenami.

Numero 10:9

“Emun diyè kew en te tanè niw, ne ebpekidtebek kew te menge kuntada niw he edrasey keniyu, ipezaǥing niw is menge trumpita su para siak is Nengazen he Megbevayè niw, egketenuzan ku sikiyu ne edlibriyen ku sikiyu te kedezaat te menge kuntada niw.

Zatù 5:21

Naanud sikandan diyà te zal-ug te Kishon, kes kezaan he zal-ug. Ebpedayun a he ebpekidtebek duma is kelig-en.