Jeremias 4:10 - Manobo Western Bukidnon OT

¹⁰ Ne migkaǥi a te, “He Nengazen he MEGBEVAYÀ, nelimbungan nu is menge etew tenged te migkaǥi nu, su midsaad ka te kelinew te Jerusalem. Piru naandam en bes is ispada he idhimatey kandan.”

Jeremias 4:10 ပူးပေါင်းရင်းမြစ်များ

Exodus 5:22

Ne mid-uman mebpekidlalag si Moises te Nengazen ke sikandin te, “He Nengazen, maan is ed-uwitan nu te samuk heini is menge etew? Iyan be insuǥua nu kediey is kebeǥey kandan te samuk?

Exodus 9:14

Ne emun kenè nu sikandan edtuǥutan, ne ibpeiseg ku en is keveǥat te menge pigada ku kenikew, ragkes is menge upisyal nu wey is tivuuk he gin-etawan nu su wey nu metueni he wazà ebpekerepeng kedì kayi te tivuuk he kelibutan.

Isaias 30:10

Migkeǥiyan dan is menge ebpeneuven ku te, ‘Kenè niw en tudtula ziyà te kenami is impezayag te Megbevayà diyà te keniyu. Kenè key en keniyu keǥiyi te hustu. Iyan tudtula niw kenami is ebpekelipey kenami wey is menge nelewasan niw he kenà egkehitavù.

Isaias 37:35

Edipinsahan ku wey edlibriyen ku heini he inged para meveǥayi a te zengeg wey tenged te penaad ku ki David he suluǥuen ku.”

Isaias 63:17

Nengazen, maan is idtuǥut nu he mekesuwey key ziyà te menge paaǥi nu? Maan is ibpemezesen nu is gehinawa zey, he tenged kayi naawà is kedtahud dey kenikew? Seǥipaa key en maan kenikew, su menge suluǥuen key kenikew wey ǥaked key kenikew.

Jeremias 1:6

Midtavak a te, “He Nengazen MEGBEVAYÀ, kenà a metau he ebpengaǥikaǥi, ne vetan-en e pa.”

Jeremias 23:17

Iyan heini layun egkeǥiyen dan diyà te menge etew he edsudì kedì wey ebpezumazuma te mesinupaken he ǥehinawa zan: ‘Egkehimu he utew meupiya is kebpekesavuk niw, migkaǥi is Nengazen. Wazà mezaat he egkehitavù keniyu.’

Jeremias 32:17

“He Nengazen he MEGBEVAYÀ, midlimbag nu is kelibutan wey is langit pinaaǥi te zekelà he ǥehem nu. Wazà minsan hengkey he kenè nu egkehimu.

Jeremias 4:18

Keniyu mismu he menge vetasan wey menge vaal is mid-uwit kayi he kezeetan diyà te keniyu. Iyan heini silut niw. Utew heini merasey! Henduen be te midsundang is gehinawa niw tenged kayi.”

Jeremias 5:12

Wazè dan megkaǥi te tutuu mehitenged kedì. Migkaǥi sikandan te, ‘Kenè kiw ebmenuwen te Nengazen! Wazà kezeetan he ebpekeuma ziyà te kenitew; wazà tebek etawa vitil.

Jeremias 6:14

Wazè dan seǥipaa is palì te menge etew ku he iyan is uvag dà he kedtuu. Minsan gerabi heini, egkaǥi zan te ‘melinawen kiw’ minsan pa te iyan tutuu is duen tebek.

Jeremias 8:11

Wazè dan seǥipaa is palì te menge etew ku minsan pa te grabi en heini. Kesikandan te meupiya zed is langun minsan pa te kenà haazà tutuu.

Penhulùhulù 2:21

Nemekesesavuk diyà te menge zalan is nemematey he menge vatà wey menge meǥurang. Nemematey te tebek is menge vetan-en he menge maama wey menge vahi. Wazà nu en sikandan mehizuwi zutun te kebpenhimetayi nu kandan tenged te kegkepauk nu.

Ezekiel 11:13

Ne zutun te edtudtulen ku is menge lalag te Megbevayà, minatey si Pelatia he anak ni Benaya. Ne zutun midlangkeb a ne inhabet ku ivensag is lalag he edhenduen te, “He Nengazen he MEGBEVAYÀ, ed-eminen nu ve te ebpenhimatey is nesamà he menge Israilihanen?”