Jeremias 4:1 - Manobo Western Bukidnon OT

¹ Migkaǥi is Nengazen te, “He Israel, likù ka pezem kayi te kediey. Emun idselikwey nu en is utew mezaat he zuma he menge ed-ezapen ne kenà ad kenikew ewai,

Jeremias 4:1 ပူးပေါင်းရင်းမြစ်များ

Genesis 35:2

Umbe migkeǥiyan ni Jacob is tivuuk he pemilya zin wey is langun he menge sakup din te, “Ipenimbag niw is menge ed-ezapen niw. Mebpenlumpiyu kew te keugelingen niw ne ilisi niw is bisti niw.

2 Hadì 23:13

Midremerikan din daan is menge simbahan diyà te metikang he menge lugar he ziyà dapit te edsilaan te Jerusalem wey is diyà te egkezivavà te Buvungan te Kegkezeeti. Heini he menge simbahan mibangun ni Hadì Solomon he hadì te Israel he para ki Ashtoret, te utew mezaat he vahi he ed-ezapen te menge Sidunhanen, wey para ki Kemosh, te utew mezaat he ed-ezapen te menge Moabitanhen, wey para zaan ki Molec, te utew mezaat he ed-ezapen te menge Amunihanen.

2 Hadì 23:24

In-awà ni Josia ziyà te Jerusalem wey te tivuuk he Juda is menge veyilan he ebpekidlalag te gimukud te nemematey en, is menge ledawan he ed-ezapen te menge pemilya, is duma he menge ed-ezapen, wey is langun he utew mezaat he ed-ezapen te menge etew. Mibeelan heini ni Josia su edtumanen din is menge suǥù he ingkesurat diyà te libru he naahà te memumuhat he si Hilkia ziyà te valey te Nengazen.

2 Cronica 15:8

Dutun te kegkezineǥa ni Asa te migkaǥi ni Azaria he ebpeneuven he anak ni Oded, ne mibpekevurut sikandin. Ne impepen-awè din sikan is utew mezaat he menge ed-ezapen diyà te tivuuk he Juda wey Benjamin, wey ziyà te menge inged he menge naaǥew zin diyà te vuvungan te Efraim. Mibpepurungan din is pemuhatà para te Nengazen he ziyà te etuvangan te varkun te valey te Nengazen.

2 Cronica 33:8

Emun edtumanen te menge etew te Israel is langun he menge kesuǥuan ku wey menge sulunuzen he imbeǥey kandan ni Moises, kenè ku idtuǥut he mekaawà sikandan kayi te tanà he imbeǥey ku ziyà te menge kepuun dan.”

2 Cronica 34:33

Ne zutun impepen-awà ni Josia is langun he utew mezaat he menge ed-ezapen diyà te tivuuk he tanà te Israel, ne impepenilbi zin is menge etew ziyà te Nengazen he Megbevayè dan. Dutun te uuyag pa sikandin, midsunud dan is Nengazen he Megbevayà te menge kepuun dan.

Isaias 31:6

Sikiyu is menge Israilihanen, likù kew en diyà te Nengazen he midsupak niw.

Jeremias 15:19

Umbe, migkaǥi is Nengazen kayi te kedì te, “Emun ed-iniyuǥan nu is salè nu, ibpelikù ku sikew kayi te kedì su wey ka mekepedayun he ebpenilbi kedì. Emun egkaǥi ka te menge lalag he zuen din pulus ne kenà menge lalag he wazè din pulus, edhimuwen ku sikew he perekaǥi ku. Kinahanglan he iyan sikandan ebpekezangep diyà te kenikew, ne kenè ka iyan ebpekezangep diyà te kandan.

Jeremias 15:4

Edhimuwen ku he kerkera tenged te kegkelimezangi is langun he ginhedian te kelibutan he ebpekaahà te egkeula-ula kandan te menge etew ku. Egkeula-ula heini tenged te mibeelan ni Manase he anak ni Hezekia diyà te Jerusalem hein iyan sikandin nehimu he hadì te Juda.

Jeremias 18:11

“Umbe keǥiyi nu is menge etew ziyà te Jerusalem he iyan heini migkaǥi ku: ‘Pemineg kew! Mid-andam ku is mibpelanuwan ku he kezeetan para keniyu. Umbe engkezi niw en is mezaat he vetasan niw. Beǥuwe en te kada sevaha keniyu is menge vetasan din wey menge ulaula zin.’

Jeremias 24:9

Edhimuwen ku he ebpendemisan sikandan diyà te langun he ginhedian kayi te kelibutan. Edsudien sikandan wey ed-un-undahan wey ebpenrewakan diyà te langun he lugar he edsegseǥan ku kandan.

Jeremias 25:5

Migkaǥi is Nengazen pinaaǥi te menge ebpeneuven din te, “Engkezi niw en is mezaat he menge vetasan niw wey menge ulaula niw su para meubpai niw taman te taman heeyan is tanà he imbeǥey ku keniyu wey te menge kepuun niw.

Jeremias 3:1

“Emun edsuwayan te maama is esawa zin ne mibpeuman mebpeesawa, ne kenè din en haazà ed-umanan ed-esewaa su utew heini ebpekeremerik te tivuuk he tanà. Piru sikiyu is menge Israilihanen nengungubpaan kew he iring te vahi he ebelegyà te zengeg din. Mahabet is menge ed-ezapen he mibmahal niw. Piru minsan pa te iyan haazà, mid-umew ku pa ǥihapun sikiyu te kedlikù kayi te kedì. Iyan a, is Nengazen, is migkaǥi kayi.

Jeremias 3:12

Ne ǥuntaan, genat ka, ne keǥiya nu heini he lalag diyà te Israel: Iyan a is Nengazen, migkaǥi a te: Likù ka kayi te kedì, sikew is kenà metinumanen he Israel, su hihizuwen a. Kenè ku en sikew egkepeukan.

Jeremias 3:14

Migkaǥi pa is Nengazen, “Likù kew is kenà metinumanen he menge anak, su ǥaked ku sikiyu. Egkuwaan ku is sevaha etawa zezuwa keniyu ziyà te kada inged etawa tribu ne ed-uwiten ku ziyà te Jerusalem.

Jeremias 3:22

Sikiyu is kenà metinumanen he menge etew, likù kew kayi te kediey su ebewian ku is kegkeengey-engey niw.” Midtavak dan te, “Uya, ed-uvey key ziyà te kenikew su iyan ka Nengazen he Megbevayè dey.

Jeremias 35:15

pinaaǥi te menge ebpeneuven he menge suluǥuen ku. Migkeǥiyan kew zan te, ‘Engkezi niw en is mezaat he menge kineiya niw, ne veǥuwa niw en is menge vetasan niw, ne kenè kew en azap wey penilbi te zuma he menge ed-ezapen. Ne pengungubpaan kew ziyà te tanà he imbeǥey ku keniyu wey te menge kepuun niw.’ Wazè kew iyan mebpezumazuma wey mebpemineg kedì.

Jeremias 36:3

Su kela ke mahalin is isip te menge etew ziyà te Juda emun egkezineg dan is menge kezeetan he mibpelenuwan ku te ebaal ziyà te kandan ne ed-engkezan dan is mezaat he menge vetasan dan. Emun egkeulaula heini, ebpeseyluwen ku sikandan te kelelalung dan wey menge salè dan.”

Jeremias 4:4

Sikiyu is menge etew ziyà te Juda wey Jerusalem, lumpiyuwi niw is gehinawa niw ziyà te etuvangan te Nengazen, su emun kenà, ne egkeǥezaman niw is pauk ku he iring te hapuy he kenà egkeevukan tenged te kezaat te vaal niw.

Jeremias 7:3

Iyan heini migkaǥi te Nengazen he Mekeǥeǥehem, he Megbevayà te Israel: Helina niw en is menge vetasan niw wey menge ulaula niw, su para ibpeubpè ku zed sikiyu kayi he lugar.

Jeremias 7:5

“ ‘Helina niw is betasan wey ulaula niw. Ipedrerepeng niw is kedseǥipaa niw te kada sevaha.

Jeremias 7:7

Emun egkeveelan niw heini, ibpeubpè ku ǥihapun sikiyu kayi te tanà he imbeǥey ku ziyà te menge kepuun niw te wazà pidtemanan.

Ezekiel 11:18

Ne zutun te ked-ulì niw ziyà te keniyu he lugar, id-awè niw is langun he utew mezaat he menge ed-ezapen.

Ezekiel 18:13

Ebpeutang sikandin te ibpetuvù. Egkeuyag-uyag be sikandin? Kenà! Ebpatey heini he etew tenged kayi te langun he utew mezaat he menge vaal he mibeelan din. Iyan dà sikandin egkevasul tenged te kemetayen din.

Ezekiel 43:9

Ne ǥuntaan kinahanglan he ed-engked en sikandan he ed-azap te zuma he menge ed-ezapen wey te menge munyumintu te menge hadì dan he nemematey en, ne ed-ubpà a zuma kandan te wazà pidtemanan.”

Hoseas 14:1

Migkaǥi si Hoseas te, “He menge tig-Israel, likù kew ziyà te Nengazen he Megbevayè niw, su nezeetan kew tenged te menge salè niw.

Hoseas 2:2

“Menge anak, dewaya niw is iney niw minsan kenè ku en sikandin esawa, wey kenè e zin en esawa. Dewaya niw sikandin he engkezi zin is kebpengumpadi.

Hoseas 7:16

Midangep dan diyà te wazè din pulus. Iring sikandan te nezeetan he panà he wazè din en pulus. Ebpatey te tebek is menge pengulu zan su wazè dan kedtahud emun egkaǥi zan. Tenged kayi ed-engitan sikandan te menge tig-Ehipto.

Joel 2:12

Migkaǥi is Nengazen he timpu en heini te kedlikù niw ziyà te kandin te kedlikù he meheǥet diyà te gehinawa niw, he egkezumahan te kebpuasa wey kedlalew duma is kedsineǥew.

Zacarias 1:4

Kenè niw iringi is mibeelan te menge kepuun niw. Impekeǥiyan ku sikandan dengan te menge ebpeneuven he iniyuǥi zan en is mezaat he menge vaal zan, piru wazà sikandan medtuu. Wazà sikandan mebpezumazuma kedì.

Deuteronomio 27:15

“Rinewakan is etew he ebaal te minsan hengkey he ledawan he ed-ezapen, batu etawa kayu etawa brunsi minsan meeles dà is ked-ezapa zin kayi. Su heini he menge ed-ezapen is bineelan dà te etew, utew egkeepesi te Nengazen.” Ne edtavak is langun te, “Amen!”

Deuteronomio 4:30

Emun egkehitavù heini he kelised diyà te keniyu te huziyan he timpu, edlikù kew ziyà te Nengazen he Megbevayè niw ne ebpezumdumahan niw en human is menge lalag din keniyu.

Josue 24:14

“Umbe ǥuntaan, ezapa niw is Nengazen ne penilbi kew kandin te tinutuuwà. Engkezi niw en is menge ed-ezapen he ebpen-ezapen dengan te menge kepuun niw ziyà layun te Wahig he Eufrates wey ziyà te Ehipto, ne penilbi kew te Nengazen.

Zatù 10:16

Ne zutun mid-iniyuǥan dan is menge ed-ezapen dan ne iyan dan mid-azap is Nengazen. Ne hein neuǥet kenè en egkaantus te Nengazen is kegkaahaa zin kandan te egkengerasey ne nehizuwan din sikandan.

1 Samuel 7:3

Migkeǥiyan sikandan ni Samuel te, “Emun tutuu is kedlikù niw ziyà te Nengazen, itimbag niw heeyan is menge ed-ezapen niw apil heeyan is ledawan ni Ashtoret, ne pevayàbayè kew te Nengazen ne iyan dà sikandin silbiyi niw. Emun ebeelan niw heini ne edluwasen kew zin dutun te menge Filistihanen.”