Jeremias 39:5 - Manobo Western Bukidnon OT

⁵ Piru midal-as sikandan te menge sundaru te Babilonia, ne ziyè dan mesaut te menge suǥud diyà te Jerico. Midakep dan si Zedekia ne mid-uwit dan diyà te ki Hadì Nebucadnezar ziyà te Ribla he sakup te Hamat, ne zutun midhukuman sikandin ni Hadì Nebucadnezar.

Jeremias 39:5 ပူးပေါင်းရင်းမြစ်များ

2 Samuel 8:9

Ne netuenan heini ni Hadì Tou he hadì te Hamat he nezaag ni David is langun he sundaru ni Hadadezer.

2 Hadì 17:24

Duen menge etew he midsuǥù te hadì diyà te Asiria he medhendiyè dan te Samaria. Ebpemuun sikandan diyà te Babilonia, Cut, Ava, Hamat, wey Sefarvaim, ne impeubpè din sikandan diyà te menge inged diyà te Samaria he liwan te menge tig-Israel. Umbe midsakup dan is Samaria wey is duma pa he menge inged diyà te Israel.

2 Hadì 23:33

Mibpirisu sikandin ni Faraon Neco ziyà te Ribla he sakup te tanà he Hamat, su para kenà sikandin mekahadì diyà te Jerusalem. Impevayad te vuhis ni Neco is Juda te 3,500 he kilu he pelata wey 35 he kilu he vulawan.

2 Hadì 25:6

Ne mid-uwit dan sikandin diyà te hadì te Babilonia he ziyà te Ribla, he sakup te tanà he Hamat, ne zutun sikandin hukumi.

2 Cronica 33:11

Umbe, impesurung sikandan te Nengazen te menge sundaru te Asiria. Mibihag dan si Manase, migkew-itan dan is izung din, migkedinahan dan te brunsi, ne miduma zan diyà te Babilonia.

Isaias 22:3

Nemelaǥuy is langun he menge pengulu niw, ne utew zà sikandan meǥaan nezekepi. Is duma keniyu neninguhà he mekepelaǥuy, piru nezekepan gihapun.

Jeremias 21:7

Ne sikew Hadì Zedekia he hadì te Juda, wey is menge upisyal nu, wey is menge etew he egkesamà he kenà ebpatey te zaru, te vitil, wey te tebek, ibeǥey ku sikiyu te kuntada niw he si Hadì Nebucadnezar he hadì te Babilonia wey te zuma pa he menge kuntada niw he egkesuat he edhimatey keniyu. Kenà sikandin egkehizu he edhimatey keniyu. Iyan a, is Nengazen, is migkaǥi kayi.

Jeremias 24:8

“Piru ed-isipen ku he iring te mezaat he menge higus he kenà egkekaan si Hadì Zedekia he hadì te Juda wey is menge upisyal zin, wey is menge Israilihanen he egkesamà he uuyag keniyan te Jerusalem wey sikan is diyà te Ehipto.

Jeremias 38:18

Iyan, emun kenè ka edsurindir, ne ibeǥey heini he inged diyà te menge tig-Babilonia, ne ebinsulan dan heini ne kenè ka ebpekelikey.”

Jeremias 38:23

“Is langun he menge esawa nu wey menge anak nu ebihaǥen te menge tig-Babilonia. Sikew mismu ne kenè ka ebpekelikey kandan; ebihaǥen ka te hadì te Babilonia, ne ebinsulan dan heini he inged.”

Jeremias 4:12

Utew heini mevendes he keramag he ebpuun kayi te kediey. Guntaan, egkeǥiyen ku ziyà te kandan is idsilut ku.”

Jeremias 44:30

Ibeǥey ku si Faraon Hofra he hadì te Ehipto te menge kuntada zin he egkesuat he edhimatey kandin, iring te kebeǥaya ku ki Hadì Zedekia he hadì te Juda ziyà te kuntada zin he si Hadì Nebucadnezar he hadì te Babilonia he egkesuat he edhimatey kandin.’ ”

Jeremias 49:23

Iyan heini menge lalag mehitenged te Damascus: “Netingkemed is menge tig-Hamat wey menge tig-Arpad te mezaat he tudtul he nezineg dan. Neliveǥan sikandan wey kenà ebpekehulenà is ked-isip-isip dan; neiring dan te ebpemaǥel he zaǥat.

Penhulùhulù 1:3

Impaantus is Juda ne mibihag is menge etew kayi. Diyè en sikandan mekeubpà te zuma he menge nasyun he zutun mereǥen is kebpekesavuk dan. Edel-asen sikandan te menge kuntada zan ne wazè dan egkepeleǥuyan.

Penhulùhulù 4:20

Nezekepan dan is hadì dey he mibpilì te Nengazen, he iyan pezem midseriǥan dey he ebpengalang kenami te kedezaat te kuntada zey he menge nasyun.

Ezekiel 23:24

Edsurung heini kenikew he ebpuun diyà te zizaya duma te mahabet he menge sundaru, menge kudà, wey menge kerwahi. Duen dan menge kelasag wey menge hilmit, ne edliǥuyan ke zan. Ibeǥey ku sikew kandan, ne edsilutan ke zan sumalà te egkesuatan dan he idsilut.

Habakuk 1:7

Igkikinehendekà sikandan te menge etew. Ebeelan dan ke hengkey is egkesuatan dan ne wazà ebpekeeǥen kandan.

Numero 13:21

Umbe, midhipanew sikandan ne midsusi zan haazà is tanà puun te sibsivayan he Zin pehendiyà te Rehob he uvey te Lebo Hamat.

Josue 13:5

Elin daan is tanà te menge Gibalnen, wey is tivuuk he Lebanon diyà te edsilaan, puun te Baal Gad diyà te lugtenaan te Buntud he Hermon taman te Lebo Hamat.

Josue 4:13

Heini is 40,000 he neǥumeenan he menge maama mibayà diyà te etuvangan te Nengazen ne midhendiyè dan te menge suǥud te Jerico su ebpekidtebek dan.

Josue 5:10

Ne zutun te kegkampu te menge Israilihanen diyà te Gilgal, he ziyà te suǥud te Jerico, midsilibra zan is Pista te Kedlavey te Belinsuǥuen. Mibeelan dan heini hein mezukilem te ike-14 he andew te nehuna he vulan.

Zatù 3:3

Iyan heini menge etew he midsamà te Nengazen: is menge meǥinged diyà te lelima he inged te menge Filistihanen, is langun he Canaanhen, menge Sidunhanen, wey menge Hivihanen he menge meǥinged diyà te menge vuvungan he Lebanon, he puun te Buntud he Baal Hermon taman te Lebo Hamat.