Jeremias 39:4 - Manobo Western Bukidnon OT

⁴ Ne hein naahà heini ni Hadì Zedekia wey te langun he menge sundaru zin, mibpelaǥuy sikandan. Mezukilem is ked-awè dan dutun te inged, ne ziyè dan mebayà te pemuleey te hadì; migawas dan he zuen mebayà te pultahan he nekepetug-elang te zezuwa he verengbeng, ne midhendiyè dan te Araba.

Jeremias 39:4 ပူးပေါင်းရင်းမြစ်များ

2 Cronica 32:5

Ne mid-umanan pa ni Hezekia is kelig-en te menge pengalang din pinaaǥi te kebpepurungi zin te menge verengbeng wey kebpehitindeg te menge turi. Mid-umanan din peliǥuwi te verengbeng is inged diyà te gawas duen te nehuna he verengbeng, ne mibpetembuan din is mevavà he vahin dutun te Inged ni David. Mibpevaal zaan sikandin te mezakel he menge ǥumaan wey menge kelasag.

Isaias 22:11

Mibaal kew te punduwà te wahig diyà te mid-elangan te zezuwa he verengbeng, su para egketiǥum dutun is wahig he ebpuun diyà te zaan he peneng. Iyan, wazà kew medsarig wey medseǥipà te Megbevayà he iyan mibpelanu kayi, wey iyan mibayàbayà te kegkehitevùa kayi.

Isaias 22:3

Nemelaǥuy is langun he menge pengulu niw, ne utew zà sikandan meǥaan nezekepi. Is duma keniyu neninguhà he mekepelaǥuy, piru nezekepan gihapun.

Isaias 29:2

piru edsurungen ku heini, ne ebpemekesineǥew wey ebpemenhulùhulù haazà is menge meǥinged. Ne edhimuwen ku haazà is tivuuk he inged he iring te pemuhatà he egkepenù te lengesa.

Jeremias 32:4

Kenà ebpekelikey si Hadì Zedekia te gehem te menge tig-Babilonia. Su siguradu he ibeǥey ku sikandin te hadì te Babilonia ne ebpeked-etuvang wey ebpekedlalag sikandan.

Jeremias 32:5

Edumahan si Zedekia ziyà te Babilonia, ne kenà sikandin egkaawà diyà taman te egkesilutan ku sikandin. Minsan edsukul kew te menge tig-Babilonia ne kenè kew ǥihapun ebpekezaag. Iyan a, is Nengazen, is migkaǥi kayi.”

Ezekiel 12:12

Minsan is pengulu zan, diyà ebpekevayà te vudsi te elavat he ebava te uwiten din is egenat dutun te merusirem he kezukileman. Edtembunan din is buked din su wey zin kenà maahà is tanà.

Ezekiel 12:4

Dutun te maandew pa, tinesa nu is ed-uwiten nu para meehè dan. Ne kebmezukilem, dutun te edtengtengan ke zan, hipanew ka he iring te vinihag ka.

Leviticus 26:17

Egkuntedahan ku sikiyu para mezaag kew te menge kuntada niw ne iyan sikandan edumala keniyu. Tenged te kegketeranta niw ne ebpelaǥuy kew minsan wazà edal-as keniyu.

Leviticus 26:36

Sikiyu is egkengesamà te tebek he ed-uwiten te menge kuntada niw ziyà te kandan he menge lugar, edterenteduwen ku, ne minsan daǥing dà te menge zahun he egkeremaǥen ebpemelaǥuy kew en he henduen be te edel-asen te edhimatey keniyu, minsan wazà edal-as keniyu. Ne ebpekedsusukung kew is egkengepiley. Umbe kenè kew ebpekesukul te menge kuntada niw.

Amos 2:14

Umbe, minsan is mezesen he ebpelelaǥuy keniyu, ne kenà ebpekepelaǥuy, is mezesen ebmeluya, ne is menge sundaru, kenè dan egkelibri is keugelingen dan.

Deuteronomio 28:25

“Baal te Nengazen is kegkezeeǥa keniyu te menge kuntada niw. Edrapungrapung kew is edlusud kandan, piru ebpekedsusuwey kew is ebpemelaǥuy kandan. Ebpendemis keniyu is langun he ginhedian kayi te kelibutan.