Jeremias 39:2 - Manobo Western Bukidnon OT

² Ne hein ikeepat he vulan duen te ike-11 he tuig te kedhadì ni Zedekia, nevengkag en te menge tig-Babilonia sikan is berengbeng te inged.

Jeremias 39:2 ပူးပေါင်းရင်းမြစ်များ

Jeremias 1:3

Ne mibpedayun is kebpahayag te Nengazen te menge lalag he ibpekaǥi zin ki Jeremias taman te timpu te kedhadì ni Jehoyakim, ne pehendiyè en te ike-11 he tuig te kedhadì ni Zedekia he anak ni Josia. Ne ikelima he vulan dutun he tuig mibihag is menge etew ziyà te Jerusalem.

Jeremias 32:1

Duen migkaǥi te Nengazen diyà te ki Jeremias hein ikesepulù he tuig te kedhadì ni Zedekia ziyà te Juda. He iyan daan haazà ike-18 he tuig te kedhadì ni Nebucadnezar ziyà te Babilonia.

Jeremias 34:22

edsuǥuen ku sikandan te ked-uman kedsurung diyà te inged niw. Edsurung dan kayi ne ed-eǥawen dan heini, ne ebinsulan dan. Edhimuwen ku he mekevulungbulung is menge inged diyà te Juda ne wazè en ed-ubpè kayi. Iyan a, is Nengazen, is migkaǥi kayi.”

Jeremias 37:8

Ne edlikuan te menge tig-Babilonia heini he inged. Ed-eǥawen dan heini ne ebinsulan dan.”

Jeremias 5:10

“Sikiyu is menge kuntada te menge Israilihanen, dèdeeti niw is menge pemuleey te paras dan, piru kenè niw emina. Penempeza niw is menge subpang kayi, su kenè ku en gaked heini he menge etew.

Ezekiel 33:21

Hein ikelima he andew te ikesepulù he vulan, dutun te ike-12 he tuig te kegkevihaǥa kenami, duen sevaha he etew he nekepelaǥuy puun te Jerusalem he midhendiyà te kedì, ne ke sikandin te, “Nezeetan en is inged he Jerusalem!”

Ezekiel 4:3

Ne kuwa ka te meluag he putew ne iyan heini iverengbeng nu ziyà te mid-elangan niw zuen te inged. Ne ed-etuvang ka zutun te inged is uvag edsurung kayi. Egkehimu heini he petizaan te menge etew te Israel he edsurungen sikandan te menge kuntada zan.

Ezekiel 5:2

Isavuk nu is egkehuna he vahin diyà te brik he midruwingan te Jerusalem, ne vinsuli nu heini ziyà te teliwazà te inged, emun egkepasad nu en te ebpaahà is kedliǥuyi zuen te inged. Isavuk nu is senge vahin diyà te peliǥuy te inged, ne penempeza nu heini zuen te ispada nu. Is bahin he egkesamà ne isimburè nu, su ibpeyapat ku is menge etew ku pinaaǥi te ispada.

Zefanias 1:10

Migkaǥi is Nengazen te, “Zutun he andew egkezineg is kulehian te ebpekitavang diyà te pultahan he migngezanan te Pultahan te menge Isdà diyà te inged he Jerusalem wey is lendag diyà te veǥu he vahin kayi he inged. Egkezineg daan is dekelà he keǥurub te egkengerundus he menge valey ziyà te menge vuvungan.